«Aýyldastary kóship ketýin talap etýde»: Asylymnyń ólimine kúdikti taǵy bir qyzdy ájethanaǵa tastamaqshy bolǵan

Kollaj: inbusiness.kz

Túrkistan oblysy Sirgeli aýylynda ájethanaǵa qulap ketken 3 jasar Asylymnyń ólimi týraly jańa derekter paıda boldy. Alǵashynda qyz abaısyzda dárethanaǵa ózi túsip ketken dep aıtqanymen, endi ony bireý ıterip jibergen dep aıtyldy, dep habarlaıdy Ozgeris.Info.

Mamyrdyń ortasynda tańǵy 09:00 shamasynda Asylym kenetten joǵalyp ketti. Úsh kúnnen soń onyń máıiti qarsy bettegi úıdiń ájethanasynan tabyldy.

Saryaǵash sot-medıınalyq saraptamasy qyzdyń betinde azdaǵan syzattar, arqasynda kógergen jerlerdi anyqtady. Bul jaraqat dárethana tesigine qulaǵan kezde boldy degen boljam paıda boldy. Mamandar Asylym ájethanaǵa ózi qulaǵan degen qorytyndyǵa keldi.

Tergeý qaıta bastalyp, Asylymnyń ólimi qasaqana kisi óltirý ekeni kóp uzamaı belgili boldy. Asylymnyń úıine qarama-qarsy turatyn 16 jastaǵy kórshisi kúdikke ilindi.

“Boıjetken kinásin moıyndady. Tergeý barysynda kúdiktiniń shızofrenııamen aýyratyny anyqtaldy. Biraq orta mektepte 9 synyp oqıtyn qyz qalaı aýrý bolyp qaldy”, – dep jazdy jýrnalıst Gúlmıra Abyqaı.

Jaǵdaıǵa Túrkistan oblysy polıııa departamentiniń baspasóz qyzmeti túsinikteme berdi.

“Polıııa 3 jasar qyzdyń mert bolý faktisi boıynsha tergeý júrgizip jatyr, onyń denesi mamyrda Saryaǵash aýdanynda dárethanadan tabylǵan. Tergeý is-sharalary barysynda bul oqıǵaǵa kámeletke tolmaǵan kúdiktiniń qatysy bolýy múmkin ekendigi anyqtaldy.

Anyqtalǵan jaǵdaılarǵa baılanysty jáne kúdiktiniń psıhologııalyq jaǵdaıyn eskere otyryp, ol mamandandyrylǵan medıınalyq mekemege ornalastyryldy.

Qazirgi ýaqytta istiń barlyq mán-jaılaryn tolyq jáne jan-jaqty anyqtaýǵa baǵyttalǵan sotqa deıingi tergeý jalǵasyp jatyr.  Polıııa aqıqatty anyqtaýǵa jáne zańdy sheshim qabyldaýǵa bar kúshin salady”, – dedi PD baspasóz hatshysy.

1 aıdan keıin kórshi úıdegi taǵy bir qyz sol dárethanaǵa qulap kete jazdady, biraq der kezinde qutqaryldy. Aman qalǵan 5 jasar Nuraı ony bireý ıterip jibergenin aıtypty.