Jańalyqtar
Aýyldyq eldi mekenderde medıınalyq mekemelerdi salý jáne jańǵyrtý: QR Úkimeti shamamen 40 mlrd teńge bóldi
![](https://qandastar.kz/wp-content/uploads/2024/05/IMG_6410-780x405.jpeg)
QR Premer-Mınıstri Oljas Bektenov «Aýylda densaýlyq saqtaýdy jańǵyrtý» ulttyq jobasy aıasynda medıınalyq mekemelerdi salý jáne jańǵyrtý úshin Úkimet rezervinen 39,9 mlrd teńge bólý týraly qaýlyǵa qol qoıdy.
Sheshim 27 aqpandaǵy Úkimet otyrysynyń hattamasyn oryndaý sheńberinde qabyldandy.
Ulttyq joba aýyl turǵyndaryna medıınalyq kómek kórsetý deńgeıin arttyrý maqsatynda Memleket basshysynyń 2022 jylǵy 1 qyrkúıektegi «Ádiletti memleket. Birtutas ult. Berekeli qoǵam» atty Qazaqstan halqyna Joldaýynda aıtylǵan tapsyrmalaryn oryndaý aıasynda iske asyrylýda.
Onyń sheńberinde 655 medıınalyq-sanıtarııalyq alǵashqy kómek (MSAK) nysandaryn salý jáne ortalyq aýdandyq aýrýhanalardy jańǵyrtý kózdelgen.
Jobalar jobalaý-smetalyq qujattamanyń (JSQ) ázirligine qaraı óńirlerdiń ákimdikterinen berilgen ótinimderge sáıkes qarjylandyrylady. Osyǵan baılanysty Úkimet rezervinen 39 mlrd 987 mln teńgeden astam qarajat aýyldyq eldi mekenderde JSQ daıyn 297 alǵashqy medıınalyq kómek nysanyn salýǵa baǵyttalady. Olardyń ishinde medıınalyq pýnktter, feldsherlik-akýsherlik pýnktter jáne dárigerlik ambýlatorııalar bar.
Sonymen qatar bólingen qarajattyń bir bóligi:
Arqalyq óńirlik aýrýhanasy perzenthanasynyń ǵımaratyndaǵy kúrdeli jóndeý jumystaryn aıaqtaýǵa;
Stepnogorsk kópsalaly qalalyq aýrýhanasynyń eki blogyn kúrdeli jóndeýge;
Atbasar kópsalaly aýdanaralyq aýrýhanasynyń bas ǵımaratyn kúrdeli jóndeýge;
Balqash qalasynyń Ortalyq aýrýhanasyn kúrdeli jóndeý jumystaryn bastaýǵa;
Balqash qalasynyń Kópsalaly aýrýhanasynyń angıografııalyq ota jasaıtyn bas korpýsyna qosymsha ǵımarat salýǵa jáne angıografııalyq qondyrǵyny ornalastyrýǵa;
Shıeli kópsalaly ortalyq aýdandyq aýrýhanasynyń ǵımaratyna qosymsha blokty japsarlas sala otyryp, kúrdeli jóndeýge jáne sol jerde 30 tósek-orynǵa arnalǵan juqpaly aýrýlar bólimshesiniń qurylysyna aýdarylady.