«اۋىر حالدە جاتقان ايەلمەن جىنىستىق قاتىناسقا تۇسكەن»: ءانارۋدىڭ ادۆوكاتى كوپتىڭ كوكەيىندەگى سۇراققا جاۋاپ بەردى

ءانارۋ قۇرمانالىنىڭ ادۆوكاتى ءلاززات احاتوۆا الەۋمەتتىك جەلىدەگى پاراقشاسىندا كوپتىڭ كوكەيىندە جۇرگەن ساۋالعا جاۋاپ بەردى دەپ Skifnews.kz اقپارات پورتالى Ozgeris.info سايتىنا سىلتەمە جاساپ حابارلايدى.

«بايان ەسەنتاەۆانىڭ (الاگوزوۆا) ءىسى ەستەرىڭىزدە مە? ءبىرىنشى كۇيەۋىنىڭ قانداي باپتارمەن سوتتالعانى? باقىتبەك ەسەنتاەۆتىڭ سوتتالعان ستاتيالارىنىڭ ءبىرى — زورلاۋ ەدى عوي. “التى جىل ءجۇرىپ, قالاي زورلادى دەيدى? ءوزى جۇرگەن عوي” دەگەندەردىڭ ەسىنە سالىپ وتىرمىن. باقىتبەك بايانمەن پالەن جىل ءبىر شاڭىراقتا تۇرعان, ورتاق بالالارى بار, زاڭدى كۇيەۋى بولعان. باعانا ءبىر تيپا ەركەك “اشىنالار شىقتى, ەندى كۇيەۋىم زورلادى دەپ شىعاتىن قازاق ايەلىن كۇتەمىز” دەپتى. سۇمدىق تاۋىپ ايتتىم دەپ جازدى عوي, ەندى, ءوزىنىڭ تۇسىنىگىندە. كۇيەۋىن زورلاعانى ءۇشىن سوتتاتقان قازاق ايەلى بارىن ۇمىتىپ كەتكەن-اۋ. پالەن جىل ءوز ەركىمەن بولىپ كەلگەن ءوز ايەلى عوي, نەگە زورلادى دەپ, جىنىستىق قاتىناسقا تۇسكەنى ءۇشىن ءىس قوزعالىپ, سوتتالدى, باياننىڭ ەكس كۇيەۋى?…», — دەدى ادۆوكات.

وسى تۇستا ادۆوكات ءانارۋدىڭ جاعدايىن باياننىڭ باسىنا تۇسكەن وقيعاماەن سالىستىرا كەتتى.

«ويتكەنى سوققىعا جىققانىمەن قويماي, اۋىر حالدە جاتقان دارمەنسىز ايەلمەن ەركىنەن تىس جىنىستىق قاتىناسقا تۇسكەن. كەيبىرەۋلەرگە وسىلاي زاڭ تىلىمەن تۇسىندىرۋگە ءماجبۇر بوپ وتىرمىن, ايىپ ەتپەسسىزدەر. ءانارۋدىڭ دا جاعدايىندا وسىلاي بولعان. التى جىل بويى ەمەس, العاشىندا ءدارى بەرىپ, ارام ويىن جۇزەگە اسىرىپ, سوسىن ارىزدانباسىن دەپ, الداپ-ارباپ كەلگەن. ال ەڭ سوڭعى كەزدەسۋدە سويلەسىپ, ارا قاتىناسىن ايقىنداپ العىسى كەلگەن قىزعا كۇش كورسەتىپ, ەركىنەن تىس جىنىستىق قاتىناسقا تۇسۋگە ماجبۇرلەگەن. وسى ارەكەتتى زورلاۋ دەپ اتايدى. قادىرمەندى ۇياتسىز ەركەكتى اقتاۋشى اعايىن, تۇسىندىرە الدىم با? ءالسىز ايەل زاتىن قورلاۋدا اۋىزعا اباي بولايىق, ءبارىمىز قىز ءوسىرىپ وتىرمىز..ءومىر-بۋمەرانگ…», — دەدى ءانارۋدىڭ ادۆوكاتى.