«Aýyr halde jatqan áıelmen jynystyq qatynasqa túsken»: Ánarýdyń advokaty kóptiń kókeıindegi suraqqa jaýap berdi

Ánarý Qurmanáliniń advokaty Lázzat Ahatova áleýmettik jelidegi paraqshasynda kóptiń kókeıinde júrgen saýalǵa jaýap berdi dep Skifnews.kz aqparat portaly Ozgeris.info saıtyna silteme jasap habarlaıdy.

«Baıan Esentaevanyń (Alagózova) isi esterińizde me? Birinshi kúıeýiniń qandaı baptarmen sottalǵany? Baqytbek Esentaevtyń sottalǵan statıalarynyń biri — zorlaý edi ǵoı. “Alty jyl júrip, qalaı zorlady deıdi? О́zi júrgen ǵoı” degenderdiń esine salyp otyrmyn. Baqytbek Baıanmen pálen jyl bir shańyraqta turǵan, ortaq balalary bar, zańdy kúıeýi bolǵan. Baǵana bir tıpa erkek “ashynalar shyqty, endi kúıeýim zorlady dep shyǵatyn qazaq áıelin kútemiz” depti. Sumdyq taýyp aıttym dep jazdy ǵoı, endi, óziniń túsiniginde. Kúıeýin zorlaǵany úshin sottatqan qazaq áıeli baryn umytyp ketken-aý. Pálen jyl óz erkimen bolyp kelgen óz áıeli ǵoı, nege zorlady dep, jynystyq qatynasqa túskeni úshin is qozǵalyp, sottaldy, Baıannyń eks kúıeýi?…», — dedi advokat.

Osy tusta advokat Ánarýdyń jaǵdaıyn Baıannyń basyna túsken oqıǵamaen salystyra ketti.

«О́ıtkeni soqqyǵa jyqqanymen qoımaı, aýyr halde jatqan dármensiz áıelmen erkinen tys jynystyq qatynasqa túsken. Keıbireýlerge osylaı zań tilimen túsindirýge májbúr bop otyrmyn, aıyp etpessizder. Ánarýdyń da jaǵdaıynda osylaı bolǵan. Alty jyl boıy emes, alǵashynda dári berip, aram oıyn júzege asyryp, sosyn aryzdanbasyn dep, aldap-arbap kelgen. Al eń sońǵy kezdesýde sóılesip, ara qatynasyn aıqyndap alǵysy kelgen qyzǵa kúsh kórsetip, erkinen tys jynystyq qatynasqa túsýge májbúrlegen. Osy áreketti zorlaý dep ataıdy. Qadirmendi uıatsyz erkekti aqtaýshy aǵaıyn, túsindire aldym ba? Álsiz áıel zatyn qorlaýda aýyzǵa abaı bolaıyq, bárimiz qyz ósirip otyrmyz..О́mir-býmerang…», — dedi Ánarýdyń advokaty.