“Aýyr zatpen urǵan”. Er adam áıeliniń denesin eki aı boıy kóliginiń júk salǵyshynda saqtaǵan

Ońtústik Koreıanyń Sývon qalasynda er adam óz áıelin óltirip, onyń denesin eki aı boıy kóliginiń júk salǵyshynda jasyrǵan. Bul týraly The Korea Times basylymy sot materıaldaryna silteme jasap habarlady, dep jazady Qandastar.kz aqparattyq portaly. 

Tergeý málimetinshe, qaıǵyly oqıǵa 2023 jyldyń 26 qarashasynda bolǵan. Shamamen 40 jastaǵy er adam janjal kezinde áıelin aýyr zatpen uryp, onyń denesin kórpege orap, kóliginiń júk salǵyshyna tyǵyp qoıǵan. Keıin kólikti úıine jaqyn mańdaǵy turaqqa qoıǵan, dep jazady «Holod» jýrnaly.

Oqıǵa áıeldiń tanysy ony joǵalyp ketti dep polıııaǵa habarlaǵannan keıin áshkere boldy. Quqyq qorǵaý organdary izdeý jumystaryn bastap, 2024 jyldyń 19 aqpanynda kúıeýin ustady. Tergeý kezinde ol óz isin moıyndap, áıeliniń denesi qaıda ekenin kórsetken.

Aıyptalýshynyń advokatynyń aıtýynsha, er adam aýyr kúızeliske túsken, bul onyń qarjylyq qıyndyqtary men «vokal fıshıng» (telefon arqyly alaıaqtyq) qurbany bolýynan týyndaǵan. Aıyptalýshy qylmys jasaǵan sátte esinen adasqan kúıde bolǵanyn alǵa tartty.

Sotta prokýrorlar oǵan 30 jyl bas bostandyǵynan aıyrý jazasyn surady. Olar aıyptalýshynyń jaýapkershilikten jaltarýǵa tyrysqanyn, óz áreketterin naqty túsindirmegenin aıtty. Sondaı-aq, ol marqum áıelin kinálaýǵa tyrysqanyn atap ótti.

Sońǵy sózinde aıyptalýshy balalarynan jáne áıelinen keshirim surap, jylap jiberip, «qudaıdyń jazasyna laıyqpyn» dedi. Úkim 12 maýsymda jarııalanady dep josparlanǵan.