Aýzyńa jylan jumyrtqalasyn: Janat Baqyt sumdyq boljam aıtty

Foto: ashyq derekkóz

Eks-jýrnalıst ári telejúrgizýshi Janat Baqyt keler jyly adamdardyń densaýlyǵynda bolatyn ózgerister týraly boljam aıtty, dep habarlaıdy qandastar.kz  Skifnews.kz saıtyna silteme jasap.

Ol jýrnalıst Asmıra Ermekqyzyna bergen suhbaty barysynda 2025 jyly adamdardyń neden aýyratyny jónindegi aıtqan.

«Birinshiden garmon júıesi ózgeredi. Adamnyń kletkasynda tolyqtaı jańarý, endokrındik júıe, júıke júıelerinde ózgeris oryn alady. Qalqansha bez, ishek joldary tolyq tazarady. Adamnyń kózinde ózgeris bolady. Júrek aýrýy bolýy múmkin. Uıyqtap jatyp, birden oıanbaı qalý, júrektiń toqtap qalýy óte kóp bolady. Sondyqtan, meniń keńesim sol jaqqa qarap jatýdy azaıtqan durys», – dedi.

Onyń bul boljamy kópshiliktiń ashýyna tıdi.

«Jaǵyńa jylan jumyrtqalasyn», «Obщym ólip qalasyń sońynda dep tur ǵo», «Mynanyń túri ketipti ǵoı», – dep jaza jóneldi jeli qoldanýshylary.