اۆتوبۋس اپاتقا ۇشىراپ, 8 ادام قازا تاپتى

تۇركيادا تۋريستەر مىنگەن اۆتوبۋس اپاتقا ۇشىرادى. سالدارىنان 8 ادام قازا تاۋىپ, 20 ادام جاراقات الدى, دەپ حابارلايدى qandastar.kz سايتى.

وقىس وقيعا تۇركيانىڭ سولتۇستىك-باتىسىنداعى چاناككالە پروۆينتسياسىندا بولدى.

Turknws مالىمەتىنشە, جولاۋشىلار اۆتوبۋسى, جۇك كولىگى جانە جەڭىل كولىك قاقتىعىسقان.

سالدارىنان جۇك كولىگىنىڭ جۇرگىزۋشىسى مەن اۆتوبۋستىڭ جەتى جولاۋشىسى قازا تاپتى (بەسەۋى – وقيعا ورنىندا, ۇشەۋى – اۋرۋحانادا), 20 ادام ءتۇرلى دارەجەدەگى جاراقات الدى.

جول اپاتى جۇك كولىگى اۋدارىلىپ كەتىپ, قارسى جولاققا شىعىپ كەتكەننەن كەيىن بولعانى اتاپ ءوتىلدى.

وقيعاعا بايلانىستى تەرگەۋ ءجۇرىپ جاتىر.