Avtobýs shahtaǵa qulap ketti: Maıqaıyńda sońǵy qutqarýshynyń denesi tabyldy

Foto: ashyq derekkóz

Maıqaıyńda sońǵy qutqarýshynyń denesi tabyldy – dep habarlaıdy Massaget.kz tilshisi. Bul týraly Pavlodar oblysynyń ákimi Asaıyn Baıhanov habarlady.

«Búgin saǵat 16.20-da «Maıqaıyń-altyn» AQ taý-ken aýdanyndaǵy opyrylǵan jerde izdestirý jumystaryn júrgizý kezinde sońǵy qutqarýshy – júrgizýshi Aıyp Tileýbergenovtiń denesi tabyldy. Qutqarýshynyń denesi joǵary kóterilip, saraptama júrgizý úshin jedel-tergeý tobyna berildi», – dep jazdy óńir ákimi Jelidegi paraqshasynda.

4 qańtar kúni Maıqaıyń kenishiniń janynda jumys istemeıtin shahtanyń tazartý keńistigine «KÁAQQ ROSh» JShS qutqarýshylary otyrǵan avtobýs qulap ketken bolatyn. Osy qaıǵyly oqıǵadan keıin 7 aı ýaqyt ótti.

«Osy ýaqyt ishinde, qaza bolǵan jandardyń týystary sııaqty, biz de joǵalǵan qutqarýshylardy tabamyz degen úmitte boldyq. Aıyp Tileýbergenovtiń týystary men jaqyndaryna kóńil aıtamyn. Marqumǵa ıman baılyǵyn bersin. Joǵalǵan adamdardy tabý úshin kúndiz-túni jumys istegen barlyq janǵa alǵys aıtamyn. О́kinishke qaraı, adamdardy qutqarýǵa degen úmit qaıǵyǵa almasty», – dedi Baıhanov.

Izdestirý jumystaryna ár túrli mamandar men sarapshylar, taý-ken isiniń ardagerleri, kınologtar, arnaıy tehnıka men drondar tartyldy, óńirdiń barlyq avarııalyq-qutqarý qyzmetteri jumyldyryldy.