اۆتوبۋس جەر استىنا ءتۇسىپ كەتكەن: ىزدەۋ جۇمىستارى جانداندى

«مايقايىڭ التىن» اق اۋماعىندا قاڭتاردا ەسكى شاحتاعا اۆتوبۋسپەن بىرگە قۇلاعان قۇتقارۋشىلاردى ىزدەۋ جۇمىستارى جانداندى, دەپ حابارلايدى qandastar.kz.

كاسىپورىن وكىلدەرى ىزدەۋ جۇمىستارى كۇن سايىن جۇرگىزىلەتىنىن مالىمدەدى.

«28 ماۋسىمدا كاسىبي اسكەريلەندىرىلگەن اۆاريالىق قۇتقارۋ قىزمەتتەرىنىڭ رەسپۋبليكالىق ورتالىق شتابىمەن بىرلەسىپ, ىزدەۋ جۇمىستارى باستالدى. ىزدەۋ جۇمىستارى كۇندىزگى ۋاقىتتا تاڭعى 05:00-دەن كەشكى 20:00-گە دەيىن جالعاسادى. جۇمىستى 7 شىلدەدە اياقتاۋ جوسپارلانىپ وتىر, قاجەت بولعان جاعدايدا مەرزىمى ۇزارتىلادى», – دەدى «مايقايىڭ التىن» اق وكىلدەرى.

سونداي-اق, كاسىپورىن وكىلدەرى كەستەگە سايكەس دايىندىق جۇمىستارى جاسالعانىن ايتتى.

جۇمىستارعا بۋلدوزەر مەن ەكى ەكسكاۆاتور تارتىلعان.