Avtobýs jer astyna túsip ketken: izdeý jumystary jandandy

«Maıqaıyń altyn» AQ aýmaǵynda qańtarda eski shahtaǵa avtobýspen birge qulaǵan qutqarýshylardy izdeý jumystary jandandy, dep habarlaıdy qandastar.kz.

Kásiporyn ókilderi izdeý jumystary kún saıyn júrgiziletinin málimdedi.

«28 maýsymda kásibı áskerılendirilgen avarııalyq qutqarý qyzmetteriniń respýblıkalyq ortalyq shtabymen birlesip, izdeý jumystary bastaldy. Izdeý jumystary kúndizgi ýaqytta tańǵy 05:00-den keshki 20:00-ge deıin jalǵasady. Jumysty 7 shildede aıaqtaý josparlanyp otyr, qajet bolǵan jaǵdaıda merzimi uzartylady», – dedi «Maıqaıyń altyn» AQ ókilderi.

Sondaı-aq, kásiporyn ókilderi kestege sáıkes daıyndyq jumystary jasalǵanyn aıtty.

Jumystarǵa býldozer men eki ekskavator tartylǵan.