Jańalyqtar
Avtorlyq qoǵamdar Shámshi ánderi úshin aıyna 6 myń teńge ǵana tóleıdi
Foto: ashyq derekkóz
Kompozıtordyń ánderin osylaısha arzan baǵalap otyrǵan avtorlyq qoǵamdardyń jumysy týraly májilis janyndaǵy komıtet otyrysynda depýtat Nartaı Aralbaıuly aıtty, dep jazady qandastar.kz atamekenbusiness_qaz-ǵa silteme jasap.
«Shámshi Qaldaıaqovtaı uly tulǵamyzdyń shyǵarmalaryn tutynǵany úshin urpaǵyna avtorlyq qoǵam bir maýsymda, ıaǵnı 3 aıda bir ret 18 myń teńge ǵana tólegen. Shámshiniń áni oryndalmaıtyn kesh bar ma, qazaqta?! Bizdiń avtorlardyń quqy qorǵalmaıtynyn osydan-aq kóre berseńizder bolady»,- dedi ol.
Depýtattyń sózinshe, elde 15-16 avtorlyq qoǵam bar. Olar avtorlardyń shyǵarmashylyǵyn tutynǵany úshin túsetin aqshanyń 70%-yn ózderi ustap qalyp, tek 30%-yn avtorǵa nemese onyń urpaǵyna tóleıdi eken.
