جاڭالىقتار
Ay Yola توبىنىڭ ءسوليسى Forbes-ءتىڭ رەيتينگىنە ەندى
مۋزىكالىق Ay Yola توبىنىڭ ءسوليسى ادەل شايحيتدينوۆا Forbes باسىلىمىنىڭ نۇسقاسى بويىنشا جىل سايىنعى «بولاشاعى بار 30 جاسقا دەيىنگى رەسەيلىكتەر» تىزىمىنە ەندى, دەپ حابارلايدى Qandastar.kz اقپارات پورتالى.
«30 جاسقا دەيىن» رەيتينگىسىنىڭ جەتىنشى شىعارىلىمى باسىلىمنىڭ رەسمي سايتىندا جاريالاندى. تىزىمگە سپورت, ونەر, جاڭا مەديا جانە باسقا دا ون سالاداعى جاس كوشباسشىلار ەنگەن. ادەل بۇل تىزىمگە «مۋزىكا» كاتەگورياسى بويىنشا كىردى.
Forbes اتاپ وتكەندەي, «Homay» ءانى ءبىر اپتادا ميلليوننان اسا تىڭدالىپ, رەسەيدەگى ۇزدىك 10 ترەك قاتارىنا, وزبەكستان مەن ازەربايجانداعى ۇزدىك 5-تىككە ەنگەن, سونداي-اق قازاقستان چارتىندا ءبىرىنشى ورىندى يەلەنگەن. ناۋرىز ايىنىڭ سوڭىندا بۇل ترەك جاھاندىق Shazam رەيتينگىندە العاشقى بەستىككە ەنىپ, لەدي گاگانىڭ «Abracadabra» حيتىنەن وزىپ ءتۇستى.
