Jańalyqtar
Aıagózde tótenshe jaǵdaı oryn aldy
Foto: Pixabay
Abaı oblysynyń órt sóndirýshiler janyp jatqan transformatordy sóndirdi, dep habarlaıdy qandastar.kz
Bul týraly Tótenshe jaǵdaılar mınıstrligi málimdedi.
Belgili bolǵandaı, Aıagóz qalasyndaǵy Qabanbaı kóshesi boıyndaǵy jeke turǵan transformatordan órt shyqqan.
«Aýa-mehanıkalyq kóbikti qoldanǵan órt sóndirýshilerdiń kásibı áreketteriniń arqasynda órttiń taralýyna jol berilmeı tolyǵymen sóndirildi», – delingen vedomstvo taratqan aqparatta.
О́rtten zardap shekkender joq.
Qala boıynsha birinshi kezekte ortalyqtandyrylǵan 6 jylý qazandyǵyn iske qosý jumystary qolǵa alynyp, qazirgi tańda beseýi iske qosyldy. Bireýin qosý iske asyrylyp jatyr.
«Turǵyndarǵa elektr qýatyn berý jumystaryn «Birikken energoservıstik kompanııasy» AQ qyzmetkerleri aqaýlyqty joıý barysynda atqaryp jatyr. «BESK» AQ Úrjar, Jarma aýdandary men О́skemen jáne Semeı qalalarynan kelgen 7, sondaı-aq Aıagózden 3 brıgada jóndeý jumystaryn júrgizip jatyr. Qalpyna keltirý jumystaryna barlyǵy 30-ǵa jýyq maman jumyldyryldy», – delingen oblys ákimdiginiń habarlamasynda.
