Aıaq-qoly joq qazaqstandyqty 10 jyl boıy aıaldamada qaıyr suraýǵa májbúrlegen

Foto: JI

Qaraǵandyda qol-aıaǵy joq er adam 10 jyldan astam ýaqyt eńbek quldyǵynda bolǵan. Er adamdy uryp-soǵyp, qaıyr suraýǵa májbúrlegen. Tipti kishkentaı qyzymen bopsalǵan.  Bul týraly qandastar.kz Stan.kz aqparat agenttigine silteme jasap habarlaıdy.

О́tken jyldyń mamyr aıynda ishki ister mınıstrligi Qaraǵandyda múgedektigi bar er adamǵa kúshtep qaıyr suraýǵa májbúrlegen qylmystyq top anyqtaǵan edi. Tergeý málimetteri boıynsha, qylmyskerler óz qurbandary arqyly jylyna 10 mıllıon teńgege deıin tabys taýyp otyrǵan.

41 jastaǵy er adam eńbek quldyǵyna azamattyq nekedegi jubaıymen birge bolǵan. Áıeli «qojaıynnyń» aıtýymen kúıeýin qala ortalyǵyndaǵy aıaldamaǵa aparady. Al eradam kúni boıy sol jerde otyryp, ótken-ketken adamdardan qaıyr suraǵan. Múgedektigi bar er adam osylaısha kúnine 20-40 myń teńgege deıin tabys ákelgen.

“Qylmystyq is materıaldaryna sáıkes, qylmyskerler jábirlenýshini qorqytyp, uryp-soǵyp kún saıyn tańǵy 08:00-den keshki 18:00-ge deıin qaıyr suraýǵa májbúrlegen. Er adam jańbyr, aptap ystyqqa qaramastan ol jyl boıy Qaraǵandydaǵy «45-shi kvartal» aıaldamasynda jerde otyryp adamdardan qaıyr suraǵan. Al jınalǵan aqshany «qojaıyn» óz qalýynsha jumsaǵan”, – delingen qujatta.

Tergeý málimetterish, qaskóıler múgedektigi bar er adamdy uryp-soǵyp qana qoımaı, ishimdikke úıretken. 2020 jyldan bastap onyń azamattyq nekedegi áıelinen týǵan sábıdi de bopsalaýǵa paıdalanǵan. Qylmystyq áreketti uıymdastyrýshy jańa týǵan sábıdi tartyp alyp, óz týǵan qaryndasyna tárbıeleýge bergen. Búldirshin sol úıde 4 jasqa deıin ósken.

“2020 jyldyń qarashasynda jábirlenýshilerdiń qyzy dúnıege kelgen. “Qojaıyny” bul balany da óz qaryndasyna begen. Qylmystyq isten habary joq áıel sábıdi óz qamqorlyǵyna alǵan. Jábirlenýshiler tek «qojaıynnyń» ruqsatymen ǵana balasyn belgili bir ýaqytta kóre alatyn bolǵan. Eger olardyń talapty oryndaýdan bas tartsa, olardy ata-ana quqyǵynan aıyratynyn aıtyp qorqytqan”, – delingen is materıaldarynda.

Qylmystyq is materıaldaryna sáıkes, 2023 jyldyń jeltoqsan aıynda kúdikti esirtkige qatysty is boıynsha ustalǵan. Sol kezde onyń múgedek er adamdy qaıyr suraýǵa qalaı májbúrlegeni týraly derekter áshkere boldy.

Atalǵan is boıynsha birneshe adam kúdikke ilindi. Sottalýshylar kinálaryn moıyndamady. Úsheýi jábirlenýshilerdi quldyqta ustaýǵa qatyspaǵandaryn, tek qylmystyq istiń basty qatysýshysynyń keıbir usaq tapsyrmalaryn oryndaǵandaryn alǵa tartty. Aıtýynsha, ol ózderiniń qylmys jasap jatqandaryn bilmegen.

Jábirlenýshiler sot otyrystaryna qatyspaıdy. О́ıtkeni densaýlyǵyna baılanysty sotqa kele almaıdy. Qazir olar qoǵamdyq qordyń qamqorlyǵynda. Bul uıym olarǵa jeke kýálik alyp berýge kómektesip, zańgerlik, psıhologııalyq jáne medıınalyq kómek kórsetken. Sondaı-aq gýmanıtarlyq járdem berdi. Sot proesi jalǵasyp jatyr