Aıatjan Ahmetjan 420 oqýshyǵa grant beredi

Foto: halyq-uni.kz

Belgili pedagog, elimizdegi «Ulttyq mektepterdiń» negizin qalaýshy Aıatjan Ahmetjan 420 oqýshyǵa grant berýge ýáde etti, – dep habarlaıdy qandastar.kz.

«Ulttyq mektep nege aqyly dep synaıtyndar kóp, qymbat dep renjıtinder de kóp. Biraq, ǵımarat arendasy, muǵalimder men qyzmetkerler jalaqysy, kommýnaldyq shyǵyn, kúndelikti kerek jaraq shyǵyndary bar. Mekteptiń materıaldyq shart jaǵdaıyn jasaqtaýdy aıtpaǵanda, osy tórt úlken shyǵyn bar. Al, memleketten jan basyna qarjylandyrý baǵytynda beriletin shyǵyn osynyń bireýin tolyq jappaıdy. Sondyqtan ata-ana tólemine júginemiz.

Sebebi, sapaly dúnıe jasaý úshin úlken qarjy kerek. Bilikti mamanǵa jaqsy jalaqy kerek.
Biraq jeńildik suraǵan ata-analar men ótinish aıtqan adamdar tym kóp bolýyn eskere otyryp, ekonomıkalyq múmkindikterimdi saralaı otyryp múmkindigim bar 3 qalaǵa taǵy 420 oqýshyǵa grant berýdi jón kórdim», – dedi ol.