ءبىلىم
اياتجان احمەتجان: كيىز ۇيدە بيلەگەندەر لگبت وكىلدەرى. مىنە ءبىزدىڭ يدەولوگيامىزدىڭ جەتكەن جەرى
فوتو: halyq-uni.kz
الەۋمەتتىك جەلىدە كيىز ءۇيدىڭ ىشىندە ۇلتتىق كيىم كيىپ, جارتىلاي جالاڭاش بيلەگەندەردىڭ ۆيدەوسى تاراعان بولاتىن. ۆيدەو قازاقستاندىق بلوگەر, ءبيشى الىشەر سۇلتانبەك ۇلىنىڭ Instagram-پاراقشاسىندا جاريالاندى. بۇعان بەلگىلى پەداگوگ, ەلىمىز بويىنشا ۇلتتىق مەكتەپ قالىپتاستىرۋعا كۇش سالىپ جۇرگەن اياتجان احمەتجان دابىل قاعىپ وتىر.
«انا قازاقتىڭ ۇلتتىق ناقىشتا جاساقتالعان قارا شاڭىراق كيىز ۇيىندە ۇلتتىق كيىممەن ازعىندار (لگبت وكىلدەرى ەكەن) شەكتەن شىققان ۆيدەو ءتۇسىرىپ, شەكتەن شىعىپ فوتولار ءتۇسىرىپ تاراتىپ جاتىر ەكەن. مىنە ءبىزدىڭ يدەولوگيامىزدىڭ تابان تىرەگەن جەرى. بۇنىڭ بارىنە كوز جۇماسىڭ, ەلەمەيسىڭ. ەرتەڭ ۇلت رەتىندە قۇرىپ جوعالاسىڭ!
بۇگىن ونسىز دا ۇلت رەتىندە جان جاقتان العان سوققىدان ۇرپاق تا ەسەڭگىرەپ, كۇللى ۇرپاق قۇندىلىقتار سوعىسىنىڭ قۇربانى بوپ جاتىر! بۇنى زاڭمەن ءتيىپ, وتباسى مەن مەكتەپتەگى تاربيەنى وڭالىتپاساق وندا ەرتەڭىمىز قيىن! ۇرپاق تاربيەسى. ۇلتتىق مەكتەپ. ۇلتتىق تاۋەلسىزدىك دەپ قاقسايتىنىمىز سول عوي. ۇلتتىق مەكتەپتەرىمىزدى دامىتا ءتۇسۋدىڭ وزەكتىلىگىن وسىندايدا سەزەمىن», – دەدى ول فەيسبۋك پاراقشاسىندا.
م.سنادين
