Aıatjan Ahmetjan: Kıiz úıde bılegender LGBT ókilderi. Mine bizdiń ıdeologııamyzdyń jetken jeri

Foto: halyq-uni.kz

Áleýmettik jelide kıiz úıdiń ishinde ulttyq kıim kıip, jartylaı jalańash bılegenderdiń vıdeosy taraǵan bolatyn. Vıdeo qazaqstandyq bloger, bıshi Álisher Sultanbekulynyń Instagram-paraqshasynda jarııalandy. Buǵan belgili pedagog, elimiz boıynsha ulttyq mektep qalyptastyrýǵa kúsh salyp júrgen Aıatjan Ahmetjan dabyl qaǵyp otyr.

«Ana qazaqtyń ulttyq naqyshta jasaqtalǵan qara shańyraq kıiz úıinde ulttyq kıimmen azǵyndar (LGBT ókilderi eken) shekten shyqqan vıdeo túsirip, shekten shyǵyp fotolar túsirip taratyp jatyr eken. Mine bizdiń ıdeologııamyzdyń taban tiregen jeri. Bunyń bárine kóz jumasyń, elemeısiń. Erteń ult retinde quryp joǵalasyń!

Búgin onsyz da ult retinde jan jaqtan alǵan soqqydan urpaq ta eseńgirep, kúlli urpaq qundylyqtar soǵysynyń qurbany bop jatyr! Buny zańmen tıip, otbasy men mekteptegi tárbıeni ońalytpasaq onda erteńimiz qıyn! Urpaq tárbıesi. Ulttyq mektep. Ulttyq táýelsizdik dep qaqsaıtynymyz sol ǵoı. Ulttyq mektepterimizdi damyta túsýdiń ózektiligin osyndaıda sezemin», – dedi ol feısbýk paraqshasynda.

M.Snadın