«Aıaýly jan» jobasy aıasynda psıholog Gúljanar Kalaýova «Demeý» qyzmetkerleri úshin «Kásibı sharshaý» atty psıhologııalyq trenıng ótkizdi.

«Aıaýly jan» jobasy aıasynda arnaıy shaqyrtylǵan psıholog Gúljanar Kalaýova «Demeý» áleýmettik qyzmet kórsetý ortalyǵynyń qyzmetkerleri úshin «Kásibı sharshaý» taqyrybynda áleýmettik qyzmet salasynda qyzmet etetin mamandar úshin mańyzdy psıhologııalyq trenıng ótkizdi.

Psıholog mamannyń aıtýynsha

“Adamdarǵa, ásirese ómirlik qıyn jaǵdaılarǵa tap bolǵandarǵa kómek kórsetý jáne qoldaý kórsetý jumysy orasan zor emoıonaldyq jáne fızıkalyq resýrstardy talap etedi. Kómek kórsetetinderdiń ózderi emoııalyq turǵydan turaqty jáne kásibı kúızeliske ushyramaýy óte mańyzdy”.

Trenıngke qatysýshylar – «Demeý» ortalyǵynyń sanıtarlyq qyzmetkerleri men psıhologtary kásibı sharshaý mehanızmderin, aldyn alý jáne qalpyna keltirý ádisterin zerttedi. Jeke resýrstardy uǵyný, stresster men emoııalardy basqarý, jumysta yntalandyrý men shabyttandyrýdy saqtaý úshin tehnıka boıynsha jattyǵýlar júrgizildi.
“Biz qoǵam úshin mańyzy zor «Demeý» ortalyǵynyń qyzmetkerlerin qoldap, shabyttandyra alǵanymyzǵa qýanyshtymyz”, – deıdi “Aıaýly jan” jobasynyń qoǵammen baılanys mamany Jasulan Mambetkereı.