Azamattardyń tabysy qymbatshylyqtyń artynan qýyp jete almaı kele jatyr – Ekonomıst

Foto: vıdeodan kadr

Belgili ekonomıst Maqsat Halyq Qasqa Jol ıýtýb-arnasynda qonaqta bolyp, el ekonomıkasynda bolyp jatqan biraz dúnıenniń betin ashty, dep habarlaıdy Skifnews.kz aqparat portaly.

Ekonmıstiń aıtýynsha, el halqynyń materıaldyq jaǵdaıy kún ótken saıyn tómendep, azamattar kedeılenip bara jatyr.

Qazaqstannyń halqy – kedeı, ózi – baı el. Bul tirkes búgingi kúnniń aqıqaty bolyp otyr. Biraq halyqtyń kedeıligin Úkimet moıyndaǵysy kelmeıdi. Elimizdi orta derjavadaǵy memleket dep ataıdy. Bulaı aıtýy ıdeologııalyq turǵyda durys shyǵar. Al halyqtyń ómir sapasyna qaraıtyn bolsaq, azamattarymyzdyń tólem qabileti jyl saıyn nasharlap jatqanyn baıqaımyz. Osydan 1-2 jyl buryn jalaqyǵa bir dúnıe satyp ala alatyn bolsa, qazir jalaqylaryna durys kún kóre almaıdy. Halyqtyń qazirgi jaǵdaıy osyndaı. Odan keıin jumyspen qamtý máselesi de áli bir jolǵa qoıylǵan joq. Jumyssyzdardyń sany Úkimet esebi boıynsha bir basqa, naqty jumyssyzdar sany bir basqa. Statıstıkada jumyssyzdardy 5% dep kórsetedi, al Prezıdentimiz 9% dep aıtty. Sonda Prezıdenttiń ózi statıstıkaǵa kúmánmen qarap otyr. Sol úshin realdy túrde jumyssyzdardyń sanyn naqty anyqtap alý kerek. О́ıtkeni jumyspen qamtý ortalyqtaryna baryp tirkelmegenderdiń sany qanshama. Shendiler esep bergende halyqtyń tabysy artyp jatqanyn aıtady. Biraq ol – ataýly jalaqy. Al naqty jalaqy siz ótken jyly alǵan 300-400 myń teńge aqshańyzben osy jyly qandaı da bir zattar ala alasyz ba degen naqtylyqty kórsetedi. 5%-ǵa aılyqtyń óskenin kóremiz, al azyq-túlik bul rette 10%-ǵa ósip jatyr. Beıresmı statıstıkada bul ósim odan da kóp. Azamattardyń tabysy qymbatshylyqtyń artynan qýyp jete almaı kele jatyr, – dedi Maqsat Halyq.