ازاماتتىق الۋعا عانا كەرەكسىڭ: ورىس ۇلتىمەن باس قوسقان قازاق قىزى سىنعا ۇشىرادى

فوتو: اشىق دەرەككوز

ورىس جىگىتىمەن كوڭىل جاراستىرعان قازاق قىزى سىننىڭ استىندا قالدى, دەپ حابارلايدى qandastar.kz Alash.kz ۇلتتىق پورتالىنا سىلتەمە جاساپ.

مەنىمەن كەزدەسكەنى ءۇشىن قىزىم قۋعىنعا ۇشىرادى. ول – قازاق, مەن – رەسەيدەن كەلگەن ورىسپىن. ءبىزدى الەۋمەتتىك جەلىدە كوپ ادام بالاعاتتاپ جاتىر. ولاردىڭ كىم ەكەنىن جانە مۇنى نە ءۇشىن ىستەيتىنىن بىلمەيمىن. ماعان ءتىل تيگىزىپ جاتقاندارعا ەتىم ۇيرەنىپ كەتتى. ورىستاردى ۇناتپايدى.

رەسەيدە تۇرساڭ كونبىسسىڭ, تۇرماساڭ قاشقىنسىڭ. سوعىسقا بارساڭ قىلمىسكەرسىڭ, بارماساڭ قورقاقسىڭ. قانداي جاعداي بولماسىن, تيىسەرگە قارا تابادى. جەلىدەگى پاراقشاما كەلگەن حاتتاردىڭ ءبارى بالاعات سوزدەر, قورلاۋ, ءتىل تيگىزۋ”, – دەيدى سەرگەي گونچاروۆ.

ايتۋىنشا, جەلى قولدانۋشىلارى ونىڭ مەكەن جايىن سۇراپ, قوقان-لوقى كورسەتەدى. ەندى ءوزىن قويىپ, سۇيىكتىسىنە ءتىل تيگىزەتىن بولعان.

“سوڭعى جارتى جىلدا ادامداردىڭ ايتاتىنى ءبىر. “ساتقىن”, “سەن ۇلتىڭدى ساتىپ كەتتىڭ”, “ول سەنى تاستاپ كەتەدى”, “سەن وعان تەك ازاماتتىق الۋ ءۇشىن عانا كەرەكسىڭ”, “ماسقارا”, “ەندى سەن قازاق ەمەسسىڭ”, ء“بىز سەنەن تەرىس اينالامىز”, “بۇل ساتقىندى وزىمەن بىرگە الىپ كەت” دەپ ايتۋدان جالىقپايدى. قاشانعى شىداۋعا بولادى? نە ءۇشىن بۇلاي ىستەيسىزدەر? ەرەسەك, اقىل توقتاتقان ادامسىزدار عوي. مۇنداي سوزدەردى كوبىنە ەر ادامدار جازادى. سىزدەر وسىلايشا ءوز قىزدارىڭىزدىڭ ءومىرىن وزدەرىڭىز تالقانداپ جاتىرسىزدار. توقتاتىڭىزدار. مۇنىمەن سىزدەر وزدەرىڭىزدىڭ مىقتى ەكەندەرىڭىزدى كورسەتپەيسىزدەر. بۇدان سىزدەر ناعىز ەركەك نەمەسە پاتريوت بولىپ كەتپەيسىزدەر”, – دەيدىى جەلى قولدانۋشىسى.

سەرگەي كوپشىلىكتەن حالىقارالىق جۇپتاردى مازالاماي, ولارعا قولداۋ كورسەتۋىن سۇرادى.