Azamattyq alýǵa ǵana kereksiń: Orys ultymen bas qosqan qazaq qyzy synǵa ushyrady

Foto: ashyq derekkóz

Orys jigitimen kóńil jarastyrǵan qazaq qyzy synnyń astynda qaldy, dep habarlaıdy qandastar.kz Alash.kz ulttyq portalyna silteme jasap.

Menimen kezdeskeni úshin qyzym qýǵynǵa ushyrady. Ol – qazaq, men – Reseıden kelgen oryspyn. Bizdi áleýmettik jelide kóp adam balaǵattap jatyr. Olardyń kim ekenin jáne muny ne úshin isteıtinin bilmeımin. Maǵan til tıgizip jatqandarǵa etim úırenip ketti. Orystardy unatpaıdy.

Reseıde tursań kónbissiń, turmasań qashqynsyń. Soǵysqa barsań qylmyskersiń, barmasań qorqaqsyń. Qandaı jaǵdaı bolmasyn, tıiserge qara tabady. Jelidegi paraqshama kelgen hattardyń bári balaǵat sózder, qorlaý, til tıgizý”, – deıdi Sergeı Goncharov.

Aıtýynsha, jeli qoldanýshylary onyń meken jaıyn surap, qoqan-loqy kórsetedi. Endi ózin qoıyp, súıiktisine til tıgizetin bolǵan.

“Sońǵy jarty jylda adamdardyń aıtatyny bir. “Satqyn”, “Sen ultyńdy satyp kettiń”, “Ol seni tastap ketedi”, “Sen oǵan tek azamattyq alý úshin ǵana kereksiń”, “Masqara”, “Endi sen qazaq emessiń”, “Biz senen teris aınalamyz”, “Bul satqyndy ózimen birge alyp ket” dep aıtýdan jalyqpaıdy. Qashanǵy shydaýǵa bolady? Ne úshin bulaı isteısizder? Eresek, aqyl toqtatqan adamsyzdar ǵoı. Mundaı sózderdi kóbine er adamdar jazady. Sizder osylaısha óz qyzdaryńyzdyń ómirin ózderińiz talqandap jatyrsyzdar. Toqtatyńyzdar. Munymen sizder ózderińizdiń myqty ekenderińizdi kórsetpeısizder. Budan sizder naǵyz erkek nemese patrıot bolyp ketpeısizder”, – deıdii jeli qoldanýshysy.

Sergeı kópshilikten halyqaralyq juptardy mazalamaı, olarǵa qoldaý kórsetýin surady.