ازاماتتىق نەكەدەگى كۇيەۋىم قارىزعا باتىرىپ كەتتى, ءتىپتى, ۇراتىن – الماتىلىق ايەل

الەۋمەتتىك جەلىدە الماتىلىق كەلىنشەك ازاماتتىق نەكەدەگى كۇيەۋىنىڭ الداپ, قارىزعا باتىرىپ, تاستاپ كەتكەنىن ايتىپ, ەتەگى جاسقا تولدى, دەپ حابارلايدىqandastar.kz Skifnews.kz اقپارات پورتالىنا سىلتەمە جاساپ.

ونىڭ ايتۋىنشا, جىگىتى الماتىدان استاناعا «بىرگە تۇرامىز» دەپ الىپ كەلگەن.

«وسى جىگىت ءۇشىن الماتىداعى دايىن جۇمىسىمدى تاستاپ استاناعا كەلگەنمىن. ەكەۋمىز پاتەر جالداپ 4 اي بىرگە تۇردىق. ءتورت اي بويى سول جىگىتتىڭ تاماعىن جاساپ, كىرىن جۋىپ ايەلى بولعانمىن. ەندى پاتەر اقىسىن تولەۋ ۋاقىتى جاقىنداعاندا زاتتارىن جيناپ كەتىپ قالىپتى. مەنى قارىزعا كىرگىزىپ كەتتى. بۇل قالادا ەشكىمدى تانىمايمىن, ەشتەڭەگە قولىم بارماي تۇر. نە ىستەيتىنىمدى بىلمەيمىن, بەسىنشى رەت الداپ تۇر. پوليتسياعا حابارلاسايىن دەسەم, ولارعا نە دەپ ايتامىن? الماتىدا جۇرگەندە 4 رەت تاستاپ كەتكەن. مەنەن 300 مىڭ تەڭگە قارىزعا الىپ, ەشتەڭە قالدىرماي, بۇكىل زاتىن جيناپ رەسەيگە كەتىپ قالىپتى. جاڭا حابارلاما جازىپ جىبەرىپتى: «مەنى كەشىر, رەسەيگە شۇعىل كەتۋىم كەرەك بولدى» دەپ. سوڭعى 4,5 جىلدىڭ ىشىندە وسىلاي ىستەدى. ءبىر كەلەدى, ءبىر كەتەدى. كەتۋگە الدىن الا دايىندالعان. جۇمىستان كەلسەم ۇيدە مەنىڭ عانا كيىمدەرىم تۇر, ءوز زاتتارىنىڭ ءبىرىن دە قالدىرماي الىپ كەتىپ قالىپتى», – دەدى الماتىلىق كەلىنشەك.

الماتىلىق قىزدىڭ سوزىنشە, ازاماتتىق نەكەدەگى كۇيەۋىنىڭ ءتىپتى قول كوتەرگەن كەزدەرى دە بولعان ەكەن. قيىندىققا تاپ بولعان الماتىلىق ايەل جاس قىزداردى مۇنداي جىگىتتەرگە سەنبەۋگە شاقىردى.