Azamattyq nekedegi kúıeýim qaryzǵa batyryp ketti, tipti, uratyn – almatylyq áıel

Áleýmettik jelide almatylyq kelinshek azamattyq nekedegi kúıeýiniń aldap, qaryzǵa batyryp, tastap ketkenin aıtyp, etegi jasqa toldy, dep habarlaıdyqandastar.kz Skifnews.kz aqparat portalyna silteme jasap.

Onyń aıtýynsha, jigiti almatydan Astanaǵa «birge turamyz» dep alyp kelgen.

«Osy jigit úshin Almatydaǵy daıyn jumysymdy tastap Astanaǵa kelgenmin. Ekeýmiz páter jaldap 4 aı birge turdyq. Tórt aı boıy sol jigittiń tamaǵyn jasap, kirin jýyp áıeli bolǵanmyn. Endi páter aqysyn tóleý ýaqyty jaqyndaǵanda zattaryn jınap ketip qalypty. Meni qaryzǵa kirgizip ketti. Bul qalada eshkimdi tanymaımyn, eshteńege qolym barmaı tur. Ne isteıtinimdi bilmeımin, besinshi ret aldap tur. Polıııaǵa habarlasaıyn desem, olarǵa ne dep aıtamyn? Almatyda júrgende 4 ret tastap ketken. Menen 300 myń teńge qaryzǵa alyp, eshteńe qaldyrmaı, búkil zatyn jınap Reseıge ketip qalypty. Jańa habarlama jazyp jiberipti: «meni keshir, Reseıge shuǵyl ketýim kerek boldy» dep. Sońǵy 4,5 jyldyń ishinde osylaı istedi. Bir keledi, bir ketedi. Ketýge aldyn ala daıyndalǵan. Jumystan kelsem úıde meniń ǵana kıimderim tur, óz zattarynyń birin de qaldyrmaı alyp ketip qalypty», – dedi almatylyq kelinshek.

Almatylyq qyzdyń sózinshe, azamattyq nekedegi kúıeýiniń tipti qol kótergen kezderi de bolǵan eken. Qıyndyqqa tap bolǵan almatylyq áıel jas qyzdardy mundaı jigitterge senbeýge shaqyrdy.