الەم جاڭالىقتارىجاڭالىقتار
ازەربايجان ازاماتى ۇشاق اپاتىنان قازا تاپقان قازاقتاردىڭ وتباسىنا پاتەر سىيلادى

فوتو: ەلشىلىك
اقتاۋدا Azerbaijan Airlines ۇشاعىنىڭ اپاتىنان قازا بولعاندارعا اس بەرىلدى.
استى قازاقستان مەن ازەربايجان ەلشىلىگى ۇيىمداستىرعان. استا كاسىپكەر اميل يۋسيفوۆتىڭ باستاماسى كوپتىڭ نازارىن اۋدارتتى, دەپ حابارلادى qandastar.kz پورتالى Ulysmedia.kz سايتىنا سىلتەمە جاساپ.
ازەربايجان كاسىپكەرى الماتىداعى ەكى بولمەلى بەس پاتەردى قازا تاپقان قازاقستاندىقتاردىڭ وتباسىلارىنا تاپسىردى. تۇرعىن ءۇي جيھازبەن جانە تۇرمىستىق تەحنيكامەن تولىق جابدىقتالعان.
سونىمەن قاتار, يۋسيفوۆ قازاقستانعا ماڭعىستاۋ وبلىسىنىڭ توتەنشە جاعدايلار دەپارتامەنتىنە, قالالىق اۋرۋحاناعا جانە جەدەل جاردەم ستانتسياسىنا ءۇش كولىك تارتۋ ەتتى. ماڭعىستاۋ اكىمى نۇرداۋلەت قيلىباي كاسىپكەرگە قوسقان ۇلەسى ءۇشىن العىسىن ءبىلدىرىپ, بۇل قولداۋ قازاقستان مەن ازەربايجان اراسىنداعى بەرىك دوستىقتىڭ كەزەكتى سيمۆولىنا اينالعانىن اتاپ ءوتتى.