Ázerbaıjan azamaty ushaq apatynan qaza tapqan qazaqtardyń otbasyna páter syılady

Foto: elshilik

Aqtaýda Azerbaijan Airlines ushaǵynyń apatynan qaza bolǵandarǵa as berildi.

Asty Qazaqstan men Ázerbaıjan elshiligi uıymdastyrǵan. Asta kásipker Amıl Iýsıfovtyń bastamasy kóptiń nazaryn aýdartty, dep habarlady qandastar.kz portaly Ulysmedia.kz saıtyna silteme jasap.

Ázerbaıjan kásipkeri Almatydaǵy eki bólmeli bes páterdi qaza tapqan qazaqstandyqtardyń otbasylaryna tapsyrdy. Turǵyn úı jıhazben jáne turmystyq tehnıkamen tolyq jabdyqtalǵan.

Sonymen qatar, Iýsıfov Qazaqstanǵa Mańǵystaý oblysynyń tótenshe jaǵdaılar departamentine, qalalyq aýrýhanaǵa jáne jedel járdem stanııasyna úsh kólik tartý etti. Mańǵystaý ákimi Nurdáýlet Qılybaı kásipkerge qosqan úlesi úshin alǵysyn bildirip, bul qoldaý Qazaqstan men Ázerbaıjan arasyndaǵy berik dostyqtyń kezekti sımvolyna aınalǵanyn atap ótti.