Jańalyqtar
Ázerbaıjan depýtaty: Reseı ushaq apaty úshin keshirim suraýy kerek
Foto: ashyq derekkóz
Ázerbaıjan depýtaty Rasım Mýsabekov Turan agenttigine bergen suhbatynda osylaı dedi. Sózinshe, Reseı tarapy keshirim surap, kinálilerdi jaýapqa tartýdyń ornyna medıa arqyly izin jasyrýǵa umtylyp otyr, dep jazady qandastar.kz
“Ushaq Reseı aýmaǵynda, Groznyı áýesinde atqylanǵan. Muny joqqa shyǵarý múmkin emes. Muny jasaǵandar qylmystyq jaýapkershilikke tartylýy kerek, qaza bolǵandar men zardap shekkenderge ótemaqy tólenýi kerek. Bulaı bolmasa árıne, qarym-qatynas basqa dárejege kóshedi», – dedi depýtat.
Buǵan deıin Kremldiń baspasóz hatshysy Dmıtrıı Peskov Aqtaýdaǵy ushaq apatyna baılanysty «tergeý qorytyndysy shyqpaı, boljam jasaý durys emes» degen edi.
