ازەربايجان رەسەيگە قارسى اقتاۋداعى ۇشاق اپاتىنا بايلانىستى سوتقا شاعىم تۇسىرمەك

ازەربايجان رەسەيگە قارسى اقتاۋداعى ۇشاق اپاتىنا بايلانىستى سوتقا شاعىم تۇسىرمەك. بۇل تۋرالى ەل پرەزيدەنتى يلحام اليەۆ مالىمدەدى, دەپ حابارلايدى Skifnews.kz اقپارات پورتالى.

ونىڭ ايتۋىنشا, ازەربايجان جەتى اي وتسە دە, اقتاۋ ماڭىندا اپاتقا ۇشىراعان Embraer 190 جولاۋشىلار ۇشاعىنا قاتىستى رەسەيلىك رەسمي تۇلعالاردان ەشقانداي جاۋاپ الا الماعان.

«ءبىزدىڭ وتىنىشتەرىمىز بەن تالاپتارىمىز – مۇلدەم زاڭدى: بۇل اپاتتى مويىنداۋ, ۇشاعىمىزدى اتىپ تۇسىرگەندەردى جازالاۋ, قازا تاپقانداردىڭ وتباسىلارىنا, زارداپ شەككەندەرگە جانە AZAL اۋە كومپانياسىنا – ۇشاق ءۇشىن وتەماقى تولەۋ», – دەپ اتاپ ءوتتى اليەۆ.

سونىمەن قاتار, ازەربايجان پرەزيدەنتى رەسەي تاراپىنا حالىقارالىق سوتتارعا جولداناتىن دوسە دايىندالىپ جاتقانى تۋرالى مالىمەت جەتكەنىن ايتتى.

باكۋ–گروزنىي باعىتى بويىنشا ۇشقان Azerbaijan Airlines (AZAL) اۋە كومپانياسىنىڭ Embraer 190 ۇشاعى 2024 جىلعى 25 جەلتوقسان كۇنى تاڭەرتەڭ اقتاۋ ماڭىندا اپاتقا ۇشىرادى. اۋە كومپانياسىنىڭ مالىمەتىنشە, بورتتا 62 جولاۋشى مەن بەس ەكيپاج مۇشەسى بولعان. 29 ادام امان قالدى.