Ajyrasqan soń ol meni ańdyp júrdi: Dana Nurjigit 6 aı boıy qandaı qıyndyq kórgenin aıtty

Foto: ashyq  derekkóz

Tanymal jýrnalıst Dana Nurjigit ótken ómirin eske alyp, Dınara Sátjanǵa suhbat berdi, dep habarlaıdy qandastar.kz  Alash.kz ulttyq portalyna silteme jasap.

“Ekinshi joldasymmen ajyrasqan soń, ol sońymnan ańdyp júrdi. Meniń ómirimde de osyndaı jaǵdaı boldy. Qazir qulaǵannan keıin qalaı aıaqqa turý keregin jaqsy bilemin. Birinshi joldasym, balamnyń ákesinen ajyrasqan kezde bir-birimizdiń kóńilimizge tıetin sózder, túrli jaǵdaılar boldy. Sońynda, bir-birimizdi túsindik. Sol kezde mádenıetti túrde ajyrasýdyń ne ekenin túsindim. Iaǵnı, bilimdi adam úshin mundaı kezeń qalypty jaǵdaıda bolady. Al adamǵa túsindirý múmkin bolmaǵan kezde, nege ajyrasamyz degen syndy suraq týyndaıdy. Muny ondaı adamǵa qalaı túsindirýge bolady”, – dedi medıa maman. 

Dana Nurjigit óziniń ishki háliniń múshkil bolǵanyn aıtty.

“Qazaqstanda stalkıng (ańdý) zańdy buzý bolyp eseptelmeıdi. Tipti ol tirkelmegen. Ádette, ańdýshylar ózderiniń qurbany týraly aqparatty jınaı bastaıdy. Alaıda ol siz týraly bárin biletin burynǵy kúıeýińiz bolsa, oqıǵalar odan da joǵary jyldamdyqpen damıdy”, – deıdi Dana Nurjigit.