«اجىراسۋمەن اياقتالادى»: اينۇر تۇرسىنباەۆا كۇتپەگەن مالىمدەمە جاسادى

بەلگىلى ايتىسكەر اقىن اينۇر تۇرسىنباەۆا وتباسىنداعى ايەل مەن ەركەكتىڭ, بالانىڭ ارا قاتىناسى تۋرالى ەلدى ويلاندىراتىن جازبا ارنادى,  دەپ حابارلايدى Qandastar.kz اقپارات پورتالى.

اينۇر تۇرسىنباەۆا ءوز جازباسىن جەلىدەگى پاراقشاسىندا جازدى.

«قانشاما ادامدارمەن جۇمىس جاساپ ءجۇرىپ كوزىم جەتكەن زاڭدىلىقتار:

1. شەشەسىمەن ءتىل تابىسا الماعان ادام, قىزىمەن كوپ كونفليكتىگە تۇسەدى. اكە-شەشەڭنىڭ وزىنە كورسەتكەنىڭدى بالاڭ كوزىڭە كورسەتەدى ەكەن.

2. اكەسىن سىيلاماعان ادامنىڭ اياققا تۇرىپ كەتۋى قيىن بولادى.

3. كوپ وكپەلەيتىن ادامدى وكپەلەتەتىندەر كوپ. ياعني, اقشاعا الدانا بەرەتىن بولساڭىز, الدىمەن وكپەلەۋدى توقتاتىڭىز.

4. از سويلەسەتىن وتباسى اجىراسۋمەن اياقتالادى.

5. ايەلى سىيلامايتىن ەركەك الىسقا بارمايدى.

6. كۇيەۋىنىڭ ماحابباتىن سەزىنبەيتىن ايەل اشۋلانشاق, بالا-شاعاسىن ۇرىپ تاربيەلەيدى.

7. بولاشاعىنان قورقا بەرەتىن ادام ارتقا كەتە بەرەدى.

8. ماحابباتقا مۇقتاج ايەل كيىمگە تويمايدى.

9. اقشا كەرەك دەپ جانتالاسىپ جۇرگەن ادامدارعا نەگىزى كەرەگى اقشا ەمەس-ماحاببات!

10. قيىندىقتان شىققىسى كەلەتىن ادام قۋانىپ ۇيرەنۋ كەرەك», — دەپ جازدى ايتىسكەر اقىن.