«Ajyrasýmen aıaqtalady»: Aınur Tursynbaeva kútpegen málimdeme jasady

Belgili aıtysker aqyn Aınur Tursynbaeva otbasyndaǵy áıel men erkektiń, balanyń ara qatynasy týraly eldi oılandyratyn jazba arnady,  dep habarlaıdy Qandastar.kz aqparat portaly.

Aınur Tursynbaeva óz jazbasyn jelidegi paraqshasynda jazdy.

«Qanshama adamdarmen jumys jasap júrip kózim jetken zańdylyqtar:

1. Sheshesimen til tabysa almaǵan adam, qyzymen kóp konflıktige túsedi. Áke-shesheńniń ózine kórsetkenińdi balań kózińe kórsetedi eken.

2. Ákesin syılamaǵan adamnyń aıaqqa turyp ketýi qıyn bolady.

3. Kóp ókpeleıtin adamdy ókpeletetinder kóp. Iaǵnı, aqshaǵa aldana beretin bolsańyz, aldymen ókpeleýdi toqtatyńyz.

4. Az sóılesetin otbasy ajyrasýmen aıaqtalady.

5. Áıeli syılamaıtyn erkek alysqa barmaıdy.

6. Kúıeýiniń mahabbatyn sezinbeıtin áıel ashýlanshaq, bala-shaǵasyn uryp tárbıeleıdi.

7. Bolashaǵynan qorqa beretin adam artqa kete beredi.

8. Mahabbatqa muqtaj áıel kıimge toımaıdy.

9. Aqsha kerek dep jantalasyp júrgen adamdarǵa negizi keregi aqsha emes-mahabbat!

10. Qıyndyqtan shyqqysy keletin adam qýanyp úırený kerek», — dep jazdy aıtysker aqyn.