«اجىراسىپ, ەكىنشى بايعا تيگەن ايەل»: بالانىڭ تۇساۋىن كەسكەن بايان الاگوزوۆا سىنعا ۇشىرادى

بايان الاگوزوۆا بالانىڭ تۇساۋىن كەسىپ, الەۋمەتتىك جەلىدە پىكىرتالاس تۋدىردى, دەپ حابارلايدى qandastar.kz اقپارات پورتالى.

بەلگىلى پروديۋسەر بايان الاگوزوۆا قاتىسقان تۇساۋكەسەر تويىنان ۆيدەو جەلىدە تاراپ, كوپشىلىكتىڭ نازارىن اۋداردى. كوپتەگەن قولدانۋشىلار بۇل ارەكەتكە قاتىستى ءتۇرلى پىكىر ءبىلدىردى.

كەيبىر جەلى قولدانۋشىلارى الاگوزوۆانىڭ بۇرىن اجىراسقانى مەن قايتا تۇرمىسقا شىققانىن العا تارتىپ, ونىڭ تۇساۋ كەسۋى دۇرىس ەمەس دەگەن وي ايتتى. ولار: «بۇعان تۇساۋ كەستىرۋگە بولمايدى», «سالتتى بىلمەيتىن قازاقتار», «تۇساۋ كەسكەندە ءجىپتى اياقتا قالدىرۋ كەرەك ەدى» دەگەن سىندى سىني پىكىرلەر قالدىرعان.

الايدا, پروديۋسەردى قولداپ جاتقاندار دا بار. «بايان ءبارىبىر پىسىق», «باقىتتى عوي, ەكىنشى كۇيەۋىمەن دە جاراسىمدى», «اللا باعىن اشا بەرسىن» دەپ وڭ كوزقاراس تانىتقاندار دا كوپ بولدى.