جاڭالىقتار
ازيادا: ەل قورجىنىنا تاعى ءبىر جۇلدە ءتۇستى
فوتو: تۋريزم جانە سپورت مينيسترلىگى
بۇگىن IX قىسقى ازيا ويىندارىندا شاڭعى جارىسى كوماندالىق ەستافەتامەن اياقتالدى,دەپ جازدى qandastar.kz
قازاقستان ەرلەر قۇراماسى (4×7.5 كم) مارەگە ءۇشىنشى كەلىپ, قولا جۇلدەگە يە بولدى.
جارىس جولىنا كونستانتين بورتسوۆ, نايل باشماكوۆ (كلاسسيكالىق ءادىس), ولجاس كليمين مەن ۆلاديسلاۆ كوۆوليوۆ (ەركىن ءادىس) شىقتى. مۇندا بارلىعى 9 ەلدىڭ قۇراماسى جۇلدەگە تالاستى.
جارىس قوجايىنى قىتاي چەمپيون اتانسا, كۇمىس جاپونيا شاڭعىشىلارىندا.
ايتا كەتەيىك, شاڭعى جارىسىنان حاربين-2025 باسەكەسىندە قازاقستان 4 جۇلدە قول جەتكىزدى. وسىعان دەيىن جەكەلەي سىندا كونستانتين بورتسوۆ كۇمىس, ولجاس كليمين قولا ولجالاسا, ايەلدەر كومانداسى باعانا ەستافەتادا كۇمىسكە قول جەتكىزدى.
