ازيادادا ۇلتتىق قۇراما العاشقى مەدال الدى

قىتايدىڭ حاربين قالاسىندا ءوتىپ جاتقان IX قىسقى ازيا ويىندارىنىڭ العاشقى التىن مەدال يەگەرى انىقتالدى. شورت-ترەكتەن 2000 مەترگە سىرعاناۋدان ارالاس كوماندالىق ەستافەتا قاتىسۋشىلارى حاربين قىسقى ازيا ويىندارىنىڭ العاشقى جۇلدەگەرلەرى اتاندى, دەپ حابارلايدى.

فينالدا كورەيا, قىتاي, جاپونيا جانە قازاقستان قۇراماسى ونەر كورسەتتى. قازاقستان قۇراماسى ساپىندا دەنيس نيكيشا, ءادىل عالياحمەتوۆ, يانا حان جانە ماليكا ەرمەك الاڭعا شىقتى.

جارىس كەزىندە وتانداستارىمىز شەبەرلىك بايقاتىپ, ءۇشىنشى ورىندى ساقتادى. الايدا, سوڭعى ساتتە كوش باسىنداعى قىتاي سپورتشىسى جارىس جولىنان شىعىپ قالىپ, كورەيا كومانداسى چەمپيون اتاندى. ال قازاقستان قۇراماسى مارەگە ەكىنشى بولىپ جەتتى. ۇزدىك ۇشتىكتى جاپونيا تۇيىندەدى.

قورتىندى ناتيجە:

1. كورەيا (2 مينۋت 41.534 سەكۋند)

2. قازاقستان (2 مينۋت 42.258 سەكۋند)

3. جاپونيا (2 مينۋت 44.058 سەكۋند)

4. قىتاي (2 مينۋت 59.057 سەكۋند)