Azııa damý banki Qyzylorda – Jezqazǵan avtojolyn salýǵa qarjy bóledi

Foto: ashyq derekkóz

Memleket basshysy Azııa damý bankiniń prezıdenti Masaýgý Asakavany qabyldady. Kezdesýde Masaýgý Asakava Qazaqstanmen tyǵyz yntymaqtastyqty jalǵastyryp, iri jobalar jasaýǵa daıyn ekenin jetkizdi, dep jazady qandastar.kz

Aqordanyń málimetinshe, Azııa damý bankiniń prezıdenti Astanaǵa  Azııa óńirlik ekonomıkalyq yntymaqtastyǵy baǵdarlamasynyń 23-shi mınıstrlik konferenııasyna qatysý úshin kelgen.

“Memleket basshysy mártebeli meımandy Qazaqstan men Azııa damý bankiniń nátıjeli qarym-qatynasynyń 30 jyldyǵymen quttyqtady. Qasym-Jomart Toqaev elimiz qarjy ınstıtýtymen ózara yqpaldastyqtyń strategııalyq sıpatyn, sondaı-aq banktiń iri ınfraqurylymdyq jobalardy júzege asyrýǵa jáne ulttyq qarjy júıesin nyǵaıtýǵa qosqan úlesin joǵary baǵalaıtynyn aıtty”, – delingen habarlamada.

Derekterge súıensek, Azııa damý banki 1994-2024 jyldar aralyǵynda Qazaqstanda jalpy somasy 7 mıllıard dollarǵa jýyq jobalardy qarjylandyrdy. Atap aıtqanda, bank Batys Qytaı – Batys Eýropa halyqaralyq kólik dálizin salýǵa, sondaı-aq Aqtóbe – Qandyaǵash jolyn qaıta jóndeýge qatysqan.

“Memleket basshysy Qazaqstanda ekonomıkany yryqtandyrý, ınvestıııalyq ahýaldy jaqsartý jáne elimizdiń ekonomıkalyq áleýetin arttyrý úshin qajetti jaǵdaı jasaý jumystary jalǵasyp jatqanyn jetkizdi. Qasym-Jomart Toqaev ekonomıkany dekarbonızaııalaý ózara is-qımyldyń perspektıvti salalarynyń biri ekenine toqtaldy.

Al Masaýgý Asakava elimizdiń ekonomıkalyq reformalary men ornyqty damý jolyndaǵy tabysyn oń baǵalady. Sonymen qatar banktiń Qazaqstanmen tyǵyz yntymaqtastyqty jalǵastyrýǵa, sonyń ishinde ınfraqurylymdy jańǵyrtý, áleýmettik salany jetildirý jáne ınvestıııalyq ahýaldy nyǵaıtý baǵytyndaǵy iri jobalarǵa qatysýǵa daıyn ekenin rastady”, – delingen habarlamada.

Azııa damý banki prezıdentiniń sapary aıasynda jalpy quny 300 mıllıon dollardan asatyn «Qyzylorda – Jezqazǵan» avtojolynyń qurylysyn qarjylandyrý týraly kelisimge qol qoıý josparlanyp otyr.