مادەنيەت
باعلان ءابدىرايىموۆ تۇڭعىشباي جامانقۇلوۆقا قيىن كەزەڭدە قولداۋ بىلدىرگەنىن ايتتى
فوتو: تurkystan.kz
«جىگىتتەر» كۆارتەتىنىڭ ءانشىسى باعلان ءابدىرايىموۆ تۇڭعىشباي جامانقۇلوۆتىڭ باسىنا قيىن جاعداي تۇسكەن كەزدى ەسكە الدى, دەپ جازادى qandastar.kz
ونىڭ سوزىنشە, جامانقۇلوۆ تۋرالى جازبا جاريالاعان سوڭ وعان ءبىراز ادام حابارلاسىپ, جازبانى الىپ تاستاۋىن ايتقان.
«تۇڭعىشباي اعامىزدىڭ باسىندا قيىندىق بولعان كەزدە شاكىرتتەرى, ارىپتەستەرى, جالپى تانىمال ادامدار ەشقانداي قولداۋ بىلدىرگەن جوق. مەن ۇيدە جاتىپ, مۇحتار شاحانوۆتىڭ ءبىر ولەڭىن وقىپ قالدىم. ءبىر قاتارىن الىپ, Instagram-داعى پاراقشاما جۇكتەپ قويدىم. استىنا «تۇيەنى تۇگىمەن جۇتىپ جاتقان كىسىلەر بار. ءبىز ءۇشىن حان بەينەسىندە قالىپتاسىپ قالعان وسىنداي تۇلعالارىمىز باسىنا ءىس ءتۇسىپ جاتقان كەزدە قولداۋ بەرمەي جاتىرمىز» دەپ جازدىم. قاراجات جىمقىردى ما, جوق پا?! وعان مەنىڭ قاتىسىم جوق. بىراق ەگەر قارجىلاي قولداۋ كەرەك بولسا, وسىنداي تۇلعالارىمىزدىڭ ءسوزىن سويلەپ, ەل-جۇرت بولىپ جيناپ بەرەيىك دەپ ايتتىم. بۇل جازبامنان كەيىن بىرنەشە قوڭىراۋلار ءتۇستى. ءبارى جازبامدى ءوشىرىپ تاستاۋدى ۇسىندى. بىراق مەن وشىرمەدىم», – دەدى ءانشى.
