باحتيەر زاينۋتدينوۆ ماسكەۋلىك «دينامو» كلۋبىنىڭ ويىنشىسى اتاندى

قازاقستان ۇلتتىق قۇراماسىنىڭ جارتىلاي قورعاۋشىسى باحتيەر زاينۋتدينوۆ رەسمي تۇردە ماسكەۋدىڭ «ديناموسىنا» اۋىستى, دەپ حابارلادى Qandastar.kz

«ا ارپىنەن باستالاتىن قالا – جامبىل ياعني تاراز. ويتكەنى ول جاقتا جىلى, ول جاقتا «دينامونىڭ» جاڭا ويىنشىلارىنىڭ ءبىرىنىڭ ءۇيى بار. بۇل كىم? جاقىندا بىلە الاسىزدار!» -دەلىنگەن جازبادا.

بۇل جولعى كرەاتيۆتى تانىستىرىلىم رەسەيدىڭ «دينامو» كلۋبىنا اۋىسقان باقتيەر زاينۋتدينوۆكە قاتىستى جاسالعان.

27 جاستاعى زاينۋتدينوۆ رەسەي فۋتبولىنا جاقسى تانىس — ول بۇعان دەيىن «روستوۆ» ساپىندا 35 ماتچ, تسسكا قۇرامىندا 83 ماتچ وتكىزگەن. ال «بەشيكتاشتا» وتكەن ماۋسىمدا جاراقاتىنا بايلانىستى نەبارى 9 ويىنعا قاتىسقان.

ايتا كەتەيىك, «دينامونىڭ» باس باپكەرى ۆالەري كارپين زاينۋتدينوۆپەن «روستوۆتا» جۇمىس ىستەگەن جانە ونى كوماندا ساپىندا قايتا كورگىسى كەلەتىنىن اشىق ايتىپ ەدى.