«Baıqońyrdy damytýǵa úles qosqym keledi»: 15 jastaǵy qazaqstandyq oqýshy NASA-da taǵylymdamadan ótti

Foto: jeke qorynan

15 jastaǵy almatylyq Symbat Barsaǵazy AQSh-tyń ǵaryshty zertteıtin NASA uıymynda tájirıbeden ótti. 10-synyp oqýshysy eki apta ishinde ǵaryshkerlerdiń Marsta ómir súrýin qadaǵalaý boıynsha jumys istegen, dep habarlaıdy qandastar.kz KAZ.NUR.KZ-ke silteme jasap.

Symbat Barsaǵazy NASA-daǵy taǵylymdama kezinde sol jerdegi tájirıbeli ınjenerlerden tálim alǵan. Ári Marsqa arnalǵan jobalarmen jumys istep úırengen. Ol ǵaryshkerlerdiń ottegimen tynystap, radıaııadan qorǵanýyna jaýapty bolypty.

«Oqýshylardyń basty mindeti – Marsqa shynaıy pılottyq mıssııa jobalaý. Bizdi 5 topqa bóldi, men jasyl toptyń múshesi boldym. Biz astronavtardyń Marsta ómir súrýin qamtamasyz etýge jaýapty boldyq. Maǵan ınjener Sında Chýlenniń lekııasy qatty áser etti. Ol skafandrler boıynsha sarapshy. Lekııa barysynda biz skafandrdiń perchatkasyn synap kórdik. Lekııa óte qyzyqty jáne ınteraktıvti boldy», – deıdi ol.