بايلانىس قىمباتتاپ جاتىر, بىراق ساپاسى نەگە جاقسارمايدى: مينيستر مۇنى قالانىڭ ۇلكەيۋىمەن بايلانىستىردى

فوتو: msn.com

تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ ۇيالى بايلانىس وپەراتورلارى تاريف باعاسىن كوتەرگەنىمەن, بايلانىس ساپاسى نەلىكتەن ناشار دەگەن ساۋالعا جاۋاپ بەردى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

جۋرناليستەر مينيستر جاسلان ماديەۆكە قازاقستاندىقتاردىڭ بايلانىس ساپاسىنا شاعىمدانىپ جاتقانىن جەتكىزدى. تاريف باعاسى كوتەرىلگەنىمەن, بايلانىس ساپاسى نەلىكتەن ناشار ەكەنىن سۇرادى.

ءمينيستردىڭ ايتۋىنشا, ينتەرنەتتىڭ باياۋلاۋىنا جاڭا نىسانداردىڭ بوي كوتەرىپ, قالانىڭ ۇلكەيۋى سەبەپ.

«ينتەرنەتتىڭ ناشارلاۋىنا جاڭا شاعىناۋدانداردىڭ پايدا بولۋى, قالانىڭ ۇلكەيۋى, بەلسەندى قۇرىلىس جۇمىستارىنىڭ ءجۇرۋى سەبەپ. مۇنداي جەرلەردە بازالىق ستانتسيالار ورناتۋ, ەلەكتر قۋاتىن تارتۋ, انتەننا-مۇنارا قۇرىلعىلارىن سالۋ ماسەلەلەرىن ءموبيلدى وپەراتورلار جەدەل شەشۋى قاجەت. بۇل بەلگىلى ءبىر ۋاقىتتى تالاپ ەتەدى. ەگەر شاعىمدار بولسا, ازاماتتار “e-وtinish” جۇيەسى ارقىلى جۇگىنە الادى. ءبىز جاۋاپ بەرەمىز, تەكسەرۋ جۇرگىزەمىز, ءتيىستى نۇسقامالار بەرەمىز. ەگەر ورىندالماسا ايىپپۇل سالىنادى», – دەدى مينيستر.

ونىڭ ايتۋىنشا, مينيسترلىك بۇل جۇمىسپەن بۇرىننان اينالىسىپ كەلەدى

ء«بىز وپەراتورلاردى باقىلايمىز. بىزدە ساپانى ولشەيتىن سايكەس راديوجيىلىك قىزمەتى بار. ەڭ تومەنگى شەكتى مانگە, سەكۋندىنا مەگابيت سانىنا, بايلانىس ساپاسىنا نورماتيۆتىك تالاپتار بار. ەگەر بۇزسا, شارا قولدانامىز. ايىپپۇلداردى قاتايتۋ بويىنشا جۇمىس ىستەپ جاتىرمىز. نورماتيۆتىك قۇقىقتىق اكتىلەرگە ايىپپۇلدى 3-5 ەسەگە ارتتىرۋدى ەنگىزىپ جاتىرمىز”, – دەدى مينيستر.

ايتا كەتەيىك, بۇعان دەيىن قازاقستاندىقتار ءموبيلدى بايلانىس وپەراتورلارىنان تاريف باعاسى كوتەرىلمەيتىنىتۋرالى حابارلامالار الا باستاعانى تۋرالى جازعان ەدىك.