بايلانىس قىزمەتتەرىنىڭ باعاسى وزگەرىسسىز قالادى

فوتو: اشىق دەرەككوز

بايلانىس قىزمەتتەرىنىڭ باعاسى جىلدىڭ سوڭىنا دەيىن وزگەرىسسىز قالادى, دەپ جازلى qandastar.kz

قازاقستان رەسپۋبليكاسىنىڭ تسيفرلىق دامۋ مينيسترلىگى بايلانىس وپەراتورلارىمەن تالقىلاۋ ناتيجەسىندە بايلانىس قىزمەتتەرىنىڭ قولدانىستاعى تاريفتەرىن 2024 جىلدىڭ سوڭىنا دەيىن ساقتاپ قالۋ تۋرالى كەلىسىمگە كەلگەنىن حابارلايدى.

مينيسترلىكتىڭ بۇل باستاماسى ازاماتتار مەن بيزنەسكە قولداۋ كورسەتۋگە باعىتتالعان, سەبەبى بايلانىس قۇنىنىڭ تۇراقتىلىعى تسيفرلىق قىزمەتتەردىڭ قولجەتىمدىلىگىن قامتاماسىز ەتەتىن ماڭىزدى شارتتاردىڭ ءبىرى بولىپ تابىلادى. بايلانىس وپەراتورلارى مەملەكەت باستاماسىنا قولداۋ كورسەتىپ, ەكونوميكالىق قيىندىقتارعا قاراماستان, قولدانىستاعى تاريفتەردى ساقتاپ قالۋعا دايىن ەكەندىكتەرىن ءبىلدىردى.

«بايلانىس – كۇندەلىكتى ءومىردىڭ, جۇمىستىڭ جانە وقۋدىڭ نەگىزى. بايلانىس قىزمەتتەرىنىڭ تاريفتەرىن تۇراقتى دەڭگەيدە ساقتاۋ – ازاماتتاردىڭ مۇددەلەرىن قورعاۋعا جانە الەۋمەتتىك ماڭىزدى باستامالاردى قولداۋعا دەگەن ۇستانىمىمىزدىڭ ايقىن دالەلى», – دەپ اتاپ ءوتتى مينيسترلىكتە.

مينيسترلىك مىندەتتەمەلەردىڭ ورىندالۋىن قاداعالاۋدى جالعاستىرىپ, ەلدىڭ تەلەكوممۋنيكاتسيالىق ينفراقۇرىلىمىن ودان ءارى دامىتۋ بويىنشا شارالار قابىلدايدى