«بايتەرەك» حولدينگى قازاقستان ەكونوميكاسىن دامىتۋعا 3,5 ترلن تەڭگە بولمەك

بۇل تۋرالى ۇكىمەت باسشىسى ولجاس بەكتەنوۆ ايتتى.

قولداۋدىڭ نەگىزگى بولىگى تىكەلەي قولداۋ قۇرالدارى ارقىلى كورسەتىلەدى. وعان 2,8 ترلن تەڭگە بولىنەدى,-دەپ حابارلايدى Qandastar.kz

بۇل قاراجات كەلەسىدەي بولىنەدى:

1,4 ترلن تەڭگە ەكونوميكانىڭ ناقتى سەكتورىنىڭ جوبالارىن قارجىلاندىرۋعا;

500 ملرد تەڭگە كوكتەمگى ەگىس جانە ەگىن جيناۋ جۇمىستارىن قوسا العاندا, اگروونەركاسىپتىك كەشەن جوبالارىن قارجىلاندىرۋعا;

400 ملرد تەڭگە تۇرعىن ءۇي بلوگىن قولداۋعا;

400 ملرد تەڭگە «ناۋرىز» جانە «وتاۋ» يپوتەكالىق باعدارلامالارىن ىسكە اسىرۋعا;

32 ملرد تەڭگە ەكسپورتتاۋشىلار مەن شاعىن جانە ورتا بيزنەس سۋبەكتىلەرىن قولداۋعا;

بۇدان باسقا, كەپىلدىك بەرۋ, سۋبسيديالاۋ جانە ساقتاندىرۋ سياقتى جاناما قولداۋ قۇرالدارى ارقىلى 700 ملرد تەڭگەدەن استام قاراجات بولىنەدى. 

150 ملرد تەڭگە ينۆەستيتسيالىق جوبالار مەن شوب جوبالارى بويىنشا كەپىلدىكتەر بەرۋگە;

300 ملرد تەڭگە شاعىن جانە ورتا بيزنەس سۋبەكتىلەرىنە سۋبسيديالار بەرۋگە;

300 ملرد تەڭگە ەكسپورتتىق وپەراتسيالاردى ساقتاندىرۋعا باعىتتالادى.