جاڭالىقتار
بايجانوۆتىڭ ادۆوكاتى سوت بارىسىندا TikTok ارقىلى اقشا تاپقان
فوتو: بۇگىن.كز
سالتانات نۇكەنوۆانىڭ ولىمىنە قاتىستى 4 جىلعا سوتتالعان باقىتجان بايجانوۆتىڭ قورعاۋشىسى سوت وتىرىسى كەزىندە TikTok جەلىسىندە تىكەلەي ەفير جۇرگىزۋ ارقىلى قوسىمشا تابىس تاپقان. بۇل تۋرالى Stan.kz اقپارات اگەنتتىگى حابارلايدى.
بۇل تۋرالى اپەللياتسيالىق سوت بارىسىندا مارقۇم سالتانات نۇكەنوۆانىڭ اعاسى ايتبەك امانگەلدى مالىمدەدى. ول بايجانوۆتىڭ ادۆوكاتى الىبەك سەكەروۆ سوتتا سوتتالۋشىنىڭ مۇددەسىن قورعاعانى ءۇشىن عانا اقى الىپ قويماي, جەلى ارقىلى دا اقشا تاپقانىن ايتقان.
«ەگەر سەكەروۆ تۋرالى ايتاتىن بولساق, ول سۋديانىڭ رۇقساتىنسىز TikTok-تا تىكەلەي ەفيرگە كىرىپ, سول ارقىلى اقشا تاپقان. ارتىنشا سۋديا وعان تىكەلەي ەفير جۇرگىزۋگە تىيىم سالدى», – دەيدى مارقۇمنىڭ اعاسى.
ول سونداي-اق قورعاۋشىلاردىڭ قوعامدىق نارازىلىق ۇكىمگە كەرى اسەر ەتۋى مۇمكىن دەگەن شاعىمدارى تۋرالى ايتتى.
ء«اۋ باستان-اق قوعامدا نارازىلىق بولدى. تاراپتاردىڭ ەشقايسىسى ءىستى اشىق تالقىلاۋعا قارسى بولعان جوق. سوندىقتان, ەندى بۇل ءىستىڭ اشىق تۇردە ءوتۋى سوت شەشىمىنە اسەر ەتتى دەپ ايتۋعا بولمايدى. بۇل تۋرالى باسىندا اشىق سوت تالقىلاۋىن تالاپ ەتكەندە ويلانۋ كەرەك ەدى», – دەدى ايتبەك امانگەلدى.
بۇعان دەيىن بيشىمباەۆ پەن بايجانوۆقا قاتىستى اپەللياتسيالىق سوت ۇكىمى وزگەرىسسىز قالعانى تۋرالى جازعان ەدىك.
اپەللياتسيالىق سوت وتىرىسى كەزىندە ايتبەك امانگەلدى بايجانوۆتىڭ ايەلىنە Lexus كولىگىن ساتىپ, 4 جىل كۇن كورۋگە بولاتىنىن ايتتى.
