Baıjanovtyń advokaty sot barysynda TikTok arqyly aqsha tapqan

Foto: Búgin.kz

Saltanat Núkenovanyń ólimine qatysty 4 jylǵa sottalǵan Baqytjan Baıjanovtyń qorǵaýshysy sot otyrysy kezinde TikTok jelisinde tikeleı efır júrgizý arqyly qosymsha tabys tapqan. Bul týraly Stan.kz aqparat agenttigi habarlaıdy.

Bul týraly apellıaııalyq sot barysynda marqum Saltanat Núkenovanyń aǵasy Aıtbek Amangeldi málimdedi. Ol Baıjanovtyń advokaty Álibek Sekerov sotta sottalýshynyń múddesin qorǵaǵany úshin ǵana aqy alyp qoımaı, jeli arqyly da aqsha tapqanyn aıtqan.

«Eger Sekerov týraly aıtatyn bolsaq, ol sýdıanyń ruqsatynsyz TikTok-ta tikeleı efırge kirip, sol arqyly aqsha tapqan. Artynsha sýdıa oǵan tikeleı efır júrgizýge tyıym saldy», – deıdi marqumnyń aǵasy.

Ol sondaı-aq qorǵaýshylardyń qoǵamdyq narazylyq úkimge keri áser etýi múmkin degen shaǵymdary týraly aıtty.

«Áý bastan-aq qoǵamda narazylyq boldy. Taraptardyń eshqaısysy isti ashyq talqylaýǵa qarsy bolǵan joq. Sondyqtan, endi bul istiń ashyq túrde ótýi sot sheshimine áser etti dep aıtýǵa bolmaıdy. Bul týraly basynda ashyq sot talqylaýyn talap etkende oılaný kerek edi», – dedi Aıtbek Amangeldi.

Buǵan deıin Bıshimbaev pen Baıjanovqa qatysty apellıaııalyq sot úkimi ózgerissiz qalǵany týraly jazǵan edik.

Apellıaııalyq sot otyrysy kezinde Aıtbek Amangeldi Baıjanovtyń áıeline Lexus kóligin satyp, 4 jyl kún kórýge bolatynyn aıtty.