باكۋدە ءحى تۇركى الەمىن زەرتتەۋ سيمپوزيۋمى ءوتتى

باكۋ قالاسىندا ءحى تۇركى الەمىن زەرتتەۋ سيمپوزيۋمى ءوتتى. ءىس-شارانى باكۋ ەۋرازيا ۋنيۆەرسيتەتى تۇركيانىڭ نيدە ومەر حاليسدەمير ۋنيۆەرسيتەتىمەن جانە قازاق ۇلتتىق قىزدار پەداگوگيكالىق ۋنيۆەرسيتەتىمەن بىرلەسىپ ۇيىمداستىردى,-دەپ حابارلايدى Qandastar.kz

اشىلۋ سالتاناتىندا «تۇركى الەمىنىڭ جانە تۇركىتىلدەس مەملەكەتتەر ۇيىمىنىڭ 2040 جىلعا ارنالعان ماقساتتارى» تاقىرىبىندا وتكەن سيمپوزيۋم جۇمىسىنا تابىس تىلەدى.

QyzPU عىلىمي جۇمىس جانە حالىقارالىق ىنتىماقتاستىق جونىندەگى پرورەكتورى زاكير دجۋماكۋلوۆ سيمپوزيۋم باۋىرلاس ەلدەردىڭ مادەني-رۋحاني جاقىنداسۋىنا ولشەۋسىز ۇلەس قوساتىنىن اتاپ ءوتتى.

«سيمپوزيۋم اياسىندا ءداستۇرلى تۇردە ۇيىمداستىرىلىپ جۇرگەن «ءتۇبى ءبىر تۇركىمىز» فەستيۆالى باۋىرلاس مەملەكەتتەر دوستىعىنىڭ نىعايۋى مەن قارىم-قاتىناسىنىڭ ارتۋىنا, جاستارىمىزعا تۇركىلىك مۇرانى سەزىندىرۋگە باعىتتالعان ماڭىزى زور ءىس-شارا. جۇرگىزىپ جاتقان زەرتتەۋلەرىمىزدىڭ تۇركى الەمىنىڭ كەلەشەگىنە ولشەۋسىز مۇرا قالدىراتىنىنا سەنىمدىمىز», – دەدى پرورەكتور.

حالىقارالىق سيمپوزيۋمنىڭ ماقساتى – ءتىل, ادەبيەت, تاريح, فيلوسوفيا, عىلىم, ءبىلىم, مادەنيەت, ەكونوميكا, حالىقارالىق قاتىناستار جانە باسقا دا سالالارداعى وزەكتى ماسەلەلەردى تالقىلاۋ ءۇشىن تۇركى الەمىنىڭ عالىمدارى مەن زيالىلارىن بىرىكتىرۋ.

سونداي-اق قاتىسۋشىلار جاڭا عىلىمي زەرتتەۋلەردىڭ تاقىرىپتارىن تالقىلادى, بىرلەسكەن جوبالاردىڭ باعىتتارى بويىنشا يدەيالارمەن الماستى.

شەتەلدىك جوعارى وقۋ ورىندارىنىڭ باسشىلارى سيمپوزيۋم تۇركى حالىقتارى اراسىنداعى جاڭا تاسىلدەردى, بىرلەسكەن زەرتتەۋلەر مەن ءوزارا ىنتىماقتاستىقتى ارتتىراتىنىن اتاپ ءوتتى.