باقىتجان بايجانوۆ بوستاندىققا شىعا ما?

سالتانات نۇكەنوۆانى ءولتىردى دەگەن ايىپپەن سوتتالعان قۋاندىق بيشىمباەۆتىڭ تۋىسى باقىتجان بايجانوۆقا راقىمشىلىق جاسالدى.  ول قىلمىستى جاسىرعانى ءۇشىن ءىستى بولعان ەدى, دەپ حابارلايدى qandastar.kz

اقمولا وبلىستىق سوتىنىڭ ءباسپاسوز قىزمەتى سوت شەشىمى كۇشىنە ەنگەنىن راستادى. الايدا بايجانوۆتىڭ ناقتى قاشان بوساتىلاتىنى حابارلانعان جوق.

استانا پوليتسياسىنىڭ حابارلاۋىنشا, باقىتجان بايجانوۆ 2023 جىلعى 12 قاراشاسىندا قاماۋعا الىنعان. سول ۋاقىتتان باستاپ 2024 جىلدىڭ شىلدەسىنە دەيىن ول ۋاقىتشا ۇستاۋ يزولياتورىندا وتىردى, ونداعى ءبىر كۇن تۇزەۋ مەكەمەسىندەگى 1,5 تاۋلىك بولىپ ەسەپتەلەدى. راقىمشىلىققا سايكەس, بايجانوۆتىڭ مەرزىمى شامامەن 8 ايعا قىسقارتىلۋى مۇمكىن. وسىلايشا قۋاندىق بيشىمباەۆتىڭ تۋىسى شامامەن 2026 جىلدىڭ قازان ايىندا بوستاندىققا شىعۋى مۇمكىن.

ەسكە سالساق, استاناداعى Bau مەيرامحاناسىندا ايەلى سالتانات نۇكەنوۆانى ولتىرگەن ەكس-مينيستر قۋاندىق بيشىمباەۆ 2024 جىلعى 13 مامىردا 24 جىلعا سوتتالدى.