Baqytjan Baıjanov bostandyqqa shyǵa ma?

Saltanat Núkenovany óltirdi degen aıyppen sottalǵan Qýandyq Bıshimbaevtyń týysy Baqytjan Baıjanovqa raqymshylyq jasaldy.  Ol qylmysty jasyrǵany úshin isti bolǵan edi, dep habarlaıdy qandastar.kz

Aqmola oblystyq sotynyń baspasóz qyzmeti sot sheshimi kúshine engenin rastady. Alaıda Baıjanovtyń naqty qashan bosatylatyny habarlanǵan joq.

Astana polıııasynyń habarlaýynsha, Baqytjan Baıjanov 2023 jylǵy 12 qarashasynda qamaýǵa alynǵan. Sol ýaqyttan bastap 2024 jyldyń shildesine deıin ol ýaqytsha ustaý ızolıatorynda otyrdy, ondaǵy bir kún túzeý mekemesindegi 1,5 táýlik bolyp esepteledi. Raqymshylyqqa sáıkes, Baıjanovtyń merzimi shamamen 8 aıǵa qysqartylýy múmkin. Osylaısha Qýandyq Bıshimbaevtyń týysy shamamen 2026 jyldyń qazan aıynda bostandyqqa shyǵýy múmkin.

Eske salsaq, Astanadaǵy Bau meıramhanasynda áıeli Saltanat Núkenovany óltirgen eks-mınıstr Qýandyq Bıshimbaev 2024 jylǵy 13 mamyrda 24 jylǵa sottaldy.