باقىتجان بازاربەك ەكى وبلىس اكىمىن قىلمىستىق جاۋاپكەرشىلىككە تارتۋدى تالاپ ەتتى

ءماجىلىس دەپۋتاتى باقىتجان بازاربەك جەر ماسەلەسىنە ارنالعان كەڭەيتىلگەن وتىرىستا باتىس قازاقستان مەن اتىراۋ وبلىسىنىڭ اكىمدەرىن قىلمىستىق جاۋاپكەرشىلىككە تارتۋدى  تالاپ ەتەتىنىن جەتكىزدى, دەپ حابارلايدى KYN.KZ  ءتىلشىسى  El.kz اقپارات اگەنتتىگىنە سىلتەمە جاساپ.

دەپۋتات باقىتجان بازاربەك وتىرىستا ونلاين پلاتفورما ارقىلى سۇراق قويعان كاسىپكەرلەردىڭ جەر ماسەلەسىنە قاتىستى سۇراعىنا جاۋاپ بەردى.

بىزدە جەر كودەكسىنىڭ 48 بابى بار. 2017 جىلدىڭ 29 قاراشاسىندا جەر ماسەلەسىنە قاتىستى ۇكىمەتتىڭ بەكىتىلگەن قاۋلىسى دا بار. بىزدە ينۆەستيتسيالىق جوبالاردى اۋكتسيونسىز بەرۋ جاعدايلارى بولعان. دەگەنمەن ينۆەستيتسيالىق جوبالاردى ينۆەستيتسيالىق قۇجات رەتىندە قابىلداۋ, ەسەپتەۋ دۇرىس ەمەس. جەر ۋچەسكەلەرى بەلگىلى ءبىر جەر كوميسسياسىنىڭ رۇقساتتاماسىنىڭ قورىتىندىسىندا ينۆەستيتسيالىق جوبانى جۇزەگە اسىرۋ ءۇشىن قولدانىلۋى كەرەك. سوندا عانا جەردىڭ مەنشىكتى يەسى كوميسسيوندىق جوبالارعا اقشا قۇيا الادى.  ەگەر پازل قالىپتاسپاسا وندا ول ينۆەستيتسيالىق جوبا بولىپ سانالمايدى. ءبىز قازىر قازاقستان بويىنشا بىرقاتار قاۋلىعا وزگەرىس ەنگىزىپ جاتىرمىز, — دەدى ماجىلىسمەن.

باقىتجان بازاربەك بۇگىندە 11 ملن گەكتار جەر ۇكىمەتكە قايتارىلعانىن اتاپ ءوتتى.

قازىر 2 وبلىستا جەرگە بايلانىستى بەكىتىلگەن قاۋلىنى وزگەرتۋدى جوسپارلاپ وتىرمىز. اتاپ ايتقاندا, باتىس قازاقستان وبلىسىنىڭ جانە اتىراۋ وبلىسىنىڭ اكىمدەرى جۇمىس ىستەپ تۇرعان تۇستا بولعان. مەن ولاردى قىلمىستىق جاۋاپكەرشىلىككە تارتۋدى تالاپ ەتەتىن بولامىن. دەگەنمەن سۇراق مۇندا ەمەس, باسقادا. ايتساق, باتىس قازاقستان وبلىسىندا 3 ملن گەكتارعا جۋىق اۋىل شارۋاشىلىعىنا ارنالعان جەر اۋكتسيونسىز جەكەگە بەرىلگەن, — دەدى دەپۋتات.