Baqytjan Narymbetov Qostanaı oblysy ákiminiń orynbasary qyzmetine taǵaıyndaldy

Baqytjan Narymbetov Qostanaı oblysy ákiminiń orynbasary bolyp taǵaıyndaldy, dep habarlady turkystan.kz.

Narymbetov Baqytjan Haberuly 1986 jyly Oral qalasynda dúnıege kelgen. 2007 jyly ál-Farabı atyndaǵy Qazaq Ulttyq ýnıversıtetiniń fılosofııa jáne saıasattaný fakýltetin támamdaǵan. 2012 jyly Qazaqstan Respýblıkasy Prezıdentiniń janyndaǵy Memlekettik basqarý akademııasynyń Memlekettik saıasat Ulttyq mektebinde bilim alǵan. Áleýmettaný ǵylymdarynyń magıstri.

Eńbek jolyn 2007 jyly úkimettik emes uıymdarda bastaǵan.

2013-2014 jyldary — Oral qalasy ákimi apparatynyń bas ınspektory; Oral qalasy ákimi apparatynyń aqparattyq-taldaý jumystary jáne halyqaralyq yntymaqtastyq bólim basshysy.

2014-2016 jyldar aralyǵynda Oral qalasynyń Ishki saıasat bóliminiń basshysy.

Keıin Batys Qazaqstan oblysy ákimi apparatynyń Strategııalyq damý bóliminiń bas ınspektory, oblysy ákimi apparatynyń strategııalyq damý bóliminiń basshysy.

2017-2018 jyldary Batys Qazaqstan oblysy Ishki saıasat basqarmasynyń basshysy.

Al 2018 jyldyń naýryzynan búginge deıin Qoǵamdyq damý mınıstrligi Azamattyq qoǵam isteri komıteti tóraǵasynyń orynbasary qyzmetin atqardy.

2019 jyldyń qańtarynan bastap Oral qalasy ákiminiń orynbasary qyzmetin atqardy.

2021-2025 jyldary Batys Qazaqstan oblysy ákiminiń orynbasary bolyp eńbek etti.