باقىتجان تۇرلىبەكوۆ قىزمەتكە تاعايىندالدى

دەرەككوز: ايقىن.كز

«Joryq» ات سپورتى فەدەراتسياسىنىڭ پرەزيدەنتى, « ۇلى دالا جورىعى» مارافون-بايگەسىنىڭ يدەيا اۆتورى باقىتجان تۇرلىبەكوۆ ۇلتتىق سپورت قاۋىمداستىعىنىڭ ۆيتسە-پرەزيدەنتى – اتقارۋشى ديرەكتورى بولىپ تاعايىندالدى. 

ۇلتتىق سپورت قاۋىمداستىعىنىڭ قۇرامىنا 10 فەدەراتسيا كىرەدى: بايگە, كوكپار, تەڭگە ءىلۋ, اۋدارىسپاق, جامبى اتۋ, قۇسبەگىلىك, ءداستۇرلى ساداق اتۋ, اسىق اتۋ, توعىزقۇمالاق, «Joryq». ب.تۇرلىبەكوۆ اتالعان فەدەراتسيالاردىڭ جۇمىسىن ۇيلەستىرۋمەن اينالىساتىن بولادى.

ب.تۇرلىبەكوۆ – ەكى جوعارى ءبىلىمى جانە جۋرناليستيكادا مول تاجىريبەسى بار بىلىكتى مەديامەنەدجەر. ەڭبەك جولىن دارىندى بالالارعا ارنالعان و.جاۋتىكوۆ اتىنداعى رەسپۋبليكالىق مامانداندىرىلعان فيزيكا-ماتەماتيكا مەكتەبىندە باستادى. 2009-2013 جىلدارى قازاقستان مادەنيەت جانە اقپارات مينيسترلىگىنىڭ ءتۇرلى قۇرىلىمدىق بولىمشەلەرىندە قىزمەت اتقارعان.

2013-2023 جىلدار ارالىعىندا NewTimes.kz اقپاراتتىق اگەنتتىگىن, «Elorda Aqparat», «ايقىن-ليتەر» جشس-ءىن, «حالىق ءۇنى» مەديا-رەسۋرستارىن باسقاردى.

مەكتەپ وقۋشىلارى اراسىندا 2018-2021 جىلدارى ۇيىمداستىرىلعان باتىرلار جىرىن جاتقا ايتۋدان «تۇلپار ءمىنىپ, تۋ العان» رەسپۋبليكالىق اعارتۋ جوباسىنىڭ نەگىزىن قالاۋشى.