بالا قۇقىقتارىن قورعاۋ كوميتەتى بلوگەرلەرگە ۇندەۋ جاسادى

فوتو: pexels

بالالاردىڭ قۇقىقتارىن قورعاۋ كوميتەتى بارلىق بلوگەرلەردى, ينفليۋەنسەرلەردى جانە مەديا سالاسىنىڭ قاتىسۋشىلارىن بالالاردىڭ قۇقىقتارىن ساقتاۋعا جانە قولدانىستاعى زاڭنامانى قاتاڭ ۇستانۋعا شاقىردى, دەپ حابارلايدى qandastar.kz Zakon.kz-كە سىلتەمە جاساپ.

«الەۋمەتتىك جەلىدە بالاسىنىڭ قۇقىقتارى بۇزىلعانىن مالىمدەگەن انانىڭ ۆيدەوۇندەۋى تارادى. بۇل – تانىمال بلوگەرلەردىڭ ءبىرى جاريالاعان, كامەلەتكە تولماعان بالانى تۇسىرگەن بەينەماتەريال. كوميتەت توراعاسى ناسىمجان وسپانوۆا بالانىڭ اناسىمەن تىكەلەي بايلانىسقا شىعىپ, جان-جاقتى كومەك ۇسىندى – پسيحولوگيالىق جانە زاڭگەرلىك كومەك قاراستىرىلدى», — دەپ جازىلعان كوميتەت حابارلاماسىندا.

قاجەت بولعان جاعدايدا كوميتەت بالانىڭ قۇقىقتارى مەن مۇددەلەرىن قورعاۋ ءۇشىن رەسمي تۇردە سوت پروتسەسىنە قاتىسۋعا دايىن.

جاقسى نيەتپەن تۇسىرىلسە دە, بالالار قاتىسقان كونتەنتتى جاريالاۋ ولاردىڭ پسيحولوگيالىق جاي-كۇيىنە تەرىس اسەر ەتىپ, قۇقىقتىق جاۋاپكەرشىلىككە اكەلۋى مۇمكىن.

«قازاقستان رەسپۋبليكاسىنىڭ ازاماتتىق كودەكسىنىڭ 145-بابىنا سايكەس, كەز كەلگەن ادامنىڭ, سونىڭ ىشىندە بالانىڭ بەينەسىن جاريالاۋ تەك ونىڭ نەمەسە زاڭدى وكىلىنىڭ كەلىسىمىمەن عانا جۇرگىزىلەدى. سونداي-اق, «دەربەس دەرەكتەر جانە ولاردى قورعاۋ تۋرالى» زاڭعا سايكەس, بالانىڭ بەينەسى قولجەتىمدىلىگى شەكتەۋلى جەكە دەرەك بوپ سانالادى جانە زاڭمەن قورعالادى. قۇرمەت, قورعاۋ جانە قاۋىپسىزدىك – ءاربىر بالانىڭ قۇقىعى. بۇل قۇقىقتار شىنايى ومىردە دە, تسيفرلىق كەڭىستىكتە دە قامتاماسىز ەتىلۋى كەرەك», − دەيدى كوميتەت.