Bala quqyqtaryn qorǵaý komıteti blogerlerge úndeý jasady

Foto: pexels

Balalardyń quqyqtaryn qorǵaý komıteti barlyq blogerlerdi, ınflıýenserlerdi jáne medıa salasynyń qatysýshylaryn balalardyń quqyqtaryn saqtaýǵa jáne qoldanystaǵy zańnamany qatań ustanýǵa shaqyrdy, dep habarlaıdy qandastar.kz Zakon.kz-ke silteme jasap.

«Áleýmettik jelide balasynyń quqyqtary buzylǵanyn málimdegen ananyń vıdeoúndeýi tarady. Bul – tanymal blogerlerdiń biri jarııalaǵan, kámeletke tolmaǵan balany túsirgen beınematerıal. Komıtet tóraǵasy Nasymjan Ospanova balanyń anasymen tikeleı baılanysqa shyǵyp, jan-jaqty kómek usyndy – psıhologııalyq jáne zańgerlik kómek qarastyryldy», — dep jazylǵan komıtet habarlamasynda.

Qajet bolǵan jaǵdaıda Komıtet balanyń quqyqtary men múddelerin qorǵaý úshin resmı túrde sot proesine qatysýǵa daıyn.

Jaqsy nıetpen túsirilse de, balalar qatysqan kontentti jarııalaý olardyń psıhologııalyq jaı-kúıine teris áser etip, quqyqtyq jaýapkershilikke ákelýi múmkin.

«Qazaqstan Respýblıkasynyń Azamattyq kodeksiniń 145-babyna sáıkes, kez kelgen adamnyń, sonyń ishinde balanyń beınesin jarııalaý tek onyń nemese zańdy ókiliniń kelisimimen ǵana júrgiziledi. Sondaı-aq, «Derbes derekter jáne olardy qorǵaý týraly» zańǵa sáıkes, balanyń beınesi qoljetimdiligi shekteýli jeke derek bop sanalady jáne zańmen qorǵalady. Qurmet, qorǵaý jáne qaýipsizdik – árbir balanyń quqyǵy. Bul quqyqtar shynaıy ómirde de, ıfrlyq keńistikte de qamtamasyz etilýi kerek», − deıdi komıtet.